Nuk ka fitues në derbin e La Ligës: Barcelona ngec në garë për titull

Barcelona dhe Atletico Madridi i kanë ndarë pikët në derbin që u zhvillua në kuadër të javës së 33-të në La Liga, pasi ndeshja përfundoi 2-2.

Blaugranasit arritën të kalonin në epërsi qysh në minutën e 12-të fal auto-golit të shënuar nga Diego Costa.

Por, Atletico Madridi arriti shumë shpejtë të rikthente epërsinë me anë të një penalltie të fituar në minutën e 14-të.

Costa, fillimisht e mori përgjegjësinë që të ekzekutonte atë, por që Marc-Andre ter Stegen ishte jashtë vijës së portës dhe ajo duhej të ekzekutohej për të dytën herë.

Në herën e dytë, Saul Niguez ishte përballë gjermanit dhe u tregua i saktë në minutën e 19-të, për t’i barazuar shifrat në 1-1.

Skuadrat shkuan në pushimin e pjesës së parë me këto dy gola të vetme, ndërsa në të dytën u shënuan dy të tjera.

Në minutën e 50-të, Lionel Messi i riktheu epërsinë vendasve me anë të penalltisë së fituar nga Nelson Semedo, që ishte goli i 700-të në karrierë dhe i 22-ti për të në këtë edicion.

Mirëpo, 12 minuta më vonë, gjyqtari i takimit sërish dha penallti për Rojiblancos, e që Saul ishte sërish ai që realizoi kundër Ter Stegen.

Dy skuadrat kishin shanse të artë deri në fund, mirëpo nuk arritën t’i konkretizonin ato.

Ky barazim nuk i ka konvenuar aspak Barcelonës, pasi vije pas atij ndaj Celta Vigos 2-2 në javën e kaluar.

Katalunasit mbetën sërish në vendin e dytë me 70 pikë, një më pak se Real Madridi që është lider, derisa Atletico Madridi është në të tretin me 59 sosh.

Në xhiron e 34-të, Barcelona do takohet me Villarealin, ndërsa skuadra e Diego Simeones do ketë punë me Mallorcan. /Telegrafi/

https://www.youtube.com/watch?v=-4NYIdLpjvs&ab_channel=Legend