Njihuni me shoferin pesëvjeçar që po thyen rekorde mahnitëse me vetura luksoze sportive

Njihuni me Zayn Sofuoglu, fëmijën mrekullibërës pesëvjeçar që mund të jetë bërë fëmija më i shpejtë në botë në drejtimin e një veture.

Duke veshur veshje garash dhe një helmetë, Zayn arriti një shpejtësi rekord në Lamborghini Revuelto të babait të tij prej 312 km/h .

Talenti i papërpunuar i pesëvjeçarit për të dalë përpara timonit dhe për të shënuar rekordin jozyrtar për fëmijën më të shpejtë në drejtimin e një veture nuk duhet të jetë befasi duke pasur parasysh se babai i tij është pesë herë kampioni botëror në Supersport, Kenan Sofuoglu.

Në videon mahnitëse, Zayn mund të shihet duke drejtuar hibridin e fuqishëm plug-in me qetësi në një pistë të zbrazët, përcjell Telegrafi.

Pavarësisht se duart e tij mezi arrijnë të prekin ndërruesin e marsheve pasi trupi i tij dridhet në mënyrë të pakontrolluar nga shpejtësia e madhe e veturës, Zayn arrin 312 km/h.

View this post on Instagram

A post shared by Zayn Sofuoğlu🇹🇷🇳🇱🇩🇿 (@zaynsofuoglu)

Ndryshe, djaloshi u prezantua në botën e motorsportit që në moshë shumë të hershme falë përfshirjes së babait të tij në MotoGP.

Kenan është në fakt garuesi më i dekoruar në Kampionatin Botëror Supersport, duke fituar pesë tituj, duke regjistruar 43 fitore dhe 84 dalje në podium.

Ai garoi për Yamaha, Honda dhe Kawasaki.

Ai gjithashtu konkurroi për Honda në Moto 2 nga viti 2010 deri në vitin 2010, megjithatë ai nuk arriti të hynte në garën më të mirë të sportit Moto GP.

Megjithatë, është e vështirë të parashikohet nëse Zayn do të arrijë apo jo të njëjtin sukses në motorsport si babai i tij.

Nëse ai vazhdon në këtë trajektore, ai mund të jetë në rrugën e duhur për të rivalizuar titullin e Max Verstappen si piloti më i ri që ka konkurruar ndonjëherë në Formula 1. /Telegrafi/