Njëri gdhendi drurin në formë arme, e tjetri u maskua si grua – këto janë arratisjet më qesharake dhe më të guximshme nga burgu!

Së fundmi është raportuar se gjashtë të burgosur palestinezë janë arratisur nga një burg i sigurisë së lartë izraelit, duke hapur një tunel. Mirëpo, mënyra se si ata arritën të arratiseshin ishte ‘shokuese’.

Raportet fillestare thonë se të njëjtit kishin arritur ta hapnin tunelin nga tualeti i tyre, deri te një rrugë jashtë murit të burgut.

Ndërkohë, thuhet se tuneli ishte gërmuar me një lugë të ndryshkur të cilin ata gjashtë persona e kishin fshehur pas një postieri.

Sidoqoftë, përveç rastit në fjalë, ndër histori është raportuar për raste të çuditshme të arratisjes së të burgosurve nga burgu. Ja disa prej tyre.

Njëri ndër rastet është ai i John Dillinger, i cili u quajt si Armiku Publik Nr.1 pasi iku nga burgjet e sigurisë së lartë dy herë në jetën e tij.

John Herbert Dillinger Jr. ishte një grabitës banke amerikane i cili u arratis nga burgjet dy herë në karrierën e tij. Pasi grabiti dy banka, ai u kap dhe u burgos në Lima në Vjeshtën e vitit 1933. Atje ai u miqësua me kriminelë të sprovuar që futën armë në burg dhe u arratisën vetëm katër ditë pas kapjes së Dillinger.

Grupi pastaj u kthye në të njëjtin burg disa ditë më vonë duke u maskuar oficerët e Burgut të Indianës dhe e liruan Dillinger nga burgu. Ai u kap një vit më vonë dhe u dërgua në burgun Crown Point, një grup i famshëm për mbrojtjen nga arratisja. Atje Dillinger gdhendi një copë dru në formë arme, mori peng 17 burra me atë armë dhe u arratis përsëri!

Frank Lee Morris, John Anglin dhe Clarence Anglin u arratisën nga Alcatraz famëkeq duke përdorur një varkë të bërë me mushama në vitin 1962.

Treshja arriti të arratisej nga burgu Alcatraz, duke gërmuar një tunel përmes një muri betoni duke përdorur një lugë.

Ata pastaj hynë në ujë me një varkë të bërë me mbi 50 mushama të vjedhura. Dhe nuk janë parë më kurrë!

Narko-bosi meksikan El Chapo gjithashtu iku nga burgu dy herë, një herë përmes një prej tuneleve të tij famëkeq.

Joaquin Guzman Loera i njohur si El Chapo, korruptoi rojet e tij dhe iku nga burgu duke u ngjitur në një karrocë për rroba të papastra. Ai u kap sërish në vitin 2014, por vetëm 17 muaj më vonë, ai shpëtoi përmes një tuneli me qindra metra, i ndërtuar nën dushet e burgut të sigurisë maksimale.

Ronald Silva, një trafikant droge iku nga një burg brazilian në vitin 2012 duke rruar qimet e trupit dhe duke u veshur si gruaja e tij

Sa herë që gruaja e tij vinte për vizitën e saj javore, ajo ia jepte Silvës rrobat që kishte veshur dhe i ndërronte në një veshje rezervë që kishte në çantë.

Ai më pas vazhdoi të rruante krahët dhe këmbët, të aplikonte thonj të rremë, të vinte një parukë, buzëkuq, take dhe një nga ato veshje. Ai kaloi matanë rojave doli në rrugë. Askush nuk e vuri re atë. /Telegrafi/