Në rrethana ende të panjohura për policinë mbrëmë është përfshirë nga zjarri një shtëpizë në të cilën gjendej një femër, e cila si pasojë e zjarrit është ngulfatur nga tymi dhe ka ndërruar jetë.

Sipas raportit të policisë, ngjarja ka ndodhur të mërkurën rreth orës 22:10, në fshatin Shishman i Bokës, në Gjakovë.

“Raportohet se në rrethana të panjohura është përfshirë nga zjarri një shtëpizë (barakë) në të cilën gjendej viktima femër K-Shqiptare. Në vendin e ngjarjes kanë dalë njësitet përkatëse ndërsa ekipi i zjarrfikësve ka lokalizuar zjarrin. Si pasojë e zjarrit viktima është ngulfatur nga tymi dhe e njëjta ka ndërruar jetë”, thuhet në raport.

Ndërkaq, vdekjen e viktimës e ka konstatuar ekipi mjekësor në vendin e ngjarjes, ndërsa me urdhër të prokurorit trupi i pajetë i viktimës është dërguar në IML për obduksion. /Telegrafi/

Kronika e ZezëLajme