Një nënë i zemëroi njerëzit duke pranuar se sa shpesh lan peshqirët

Larja dhe hekurosja e rrobave shpesh duket si një detyrë e pafundme.

Dhe kur keni fëmijë, grumbulli i rrobave rritet ndjeshëm dhe ju keni ndjenjën se jeni vazhdimisht duke renditur, larë, tharë dhe hekurosur rrobat. Kjo është arsyeja pse njerëzit u habitën nga rrëfimi i një nëne që lan peshqirët vetëm pas një përdorimi.

Pavarësisht se është pjesë e një familjeje prej pesë anëtarësh, Karli Lay lan vetëm peshqirë çdo ditë, raporton thesun.

“Unë kam gjithmonë një tufë peshqirësh të pistë, i vendos në lavatriçe dhe më pas në tharëse. Por ndërsa kostoja e jetesës rritet, nuk mund të përballoj më përdorimin e tharëses. I thaj peshqirët në ajër, por ato duhet shumë kohë për t’u tharë”, pranoi ajo.

Ajo pyeti të tjerët nëse kishin ndonjë këshillë për tharjen më të shpejtë të peshqirëve dhe sa shpesh i lanin fare. Njerëzit nuk mund të besojnë fare se dikush i lan peshqirët vetëm pas një përdorimi.

“Është qesharake të shpenzosh kaq shumë ujë, energji dhe para. Është shumë e keqe për mjedisin”, tha një person.

“Më ka mërzitur mendimi se disa janë kaq shpërdorues”, shtoi një tjetër.

“Çdo ditë është shumë, këtë nuk e bëjnë as në hotele”, thekson i treti. /Telegrafi/