Vedat Muriqi ka arritur shumë shpejt të bëhet një lojtar kyç te Mallorca edhe pse kompletoi kalimin në afatin kalimtar të janarit.

Reprezentuesi i Kosovës është në huazim nga Lazio te skuadra nga La Liga dhe po arrin të shfaq cilësi të larta.

Në ndeshjen ndaj Real Betisit që u zhvillua sonte, Muriqi arriti t’i barazonte shifrat në 1-1 me golin me kokë, por në fund skuadra e tij pësoi humbje.

Vedat Muriqi nuk ndalet me gola te Mallorca, tani i barazoi shifrat ndaj Betisit Vedat Muriqi nuk ndalet me gola te Mallorca, tani i barazoi shifrat ndaj Betisit

Gjatë takimit, sulmuesi ynë ishte i pafat, pasi goditi shtyllën, mirëpo angazhimi i tij nga drejtuesit e Mallrocas po vlerësohet lartë.

Deri më tani, Muriqi ia ka dalë të zhvillojë tre ndeshje dhe ka shënuar dy gola e ka bërë një asistim.

Një statistikë bukur e mirë për një lojtar që më parë nuk ka luajtur në elitën e futbollit spanjoll.

Në verë, Muriqi mund të mbyllë kalimin te Mallorca, po vetëm nëse skuadra ia del të qëndrojë në La Liga.

Mallorca është aktualisht në vendin e 16-të me 26 pikë, e që me formën aktuale mund të shpresoj në qëndrimin në elitë. /Telegrafi/