Mbi 100 minatorë të Trepçës kanë mbetur të ngujuar nëpër horizontet e kësaj miniere si pasojë e djegies së trafos kryesore që ndodhet në Parkun e biznesit në Mitrovicë.

Kryetari i Sindikatës së Punëtorëve të Trepçës, Shyqyri Sadiku ka konfirmuar për Telegrafin, duke thënë se jeta e minatorëve në minierë nuk është në rrezik dhe janë duke tentuar të bëjnë zgjidhje alternative për furnizim me energji elektrike.

Zjarr në një trafostacion në Trepçë, Mitrovica pa rrymë Zjarr në një trafostacion në Trepçë, Mitrovica pa rrymë

“Rrezik për jetën e minatorëve nuk ka sepse kemi ajrim natyral, po ashtu jemi lidhur nëpërmjet lidhjes telefonike dhe kemi komunikuar me ta. Jemi duke bërë përpjekje që të bëjmë furnizim alternativ të energjisë elektrike në mënyrë që minatorët t’i nxjerrim nga miniera”, tha Sadiku.

Reklama

Sipas tij, lidhja alternative me rrymë do të mundësonte daljen e minatorëve nga miniera, shkruan Telegrafi.

Reklama
Jeta nga zgafellja (Foto) Jeta nga zgafellja (Foto)

“Ka më shumë se një orë që është ndërprerë rryma dhe më shumë se 100 minatorë kanë mbetur në horizontin e tetë, nëntë dhe dhjetë, por nuk përjashtohet mundësia që të ketë edhe nëpër horizonte tjera. Po bëjmë përpjekje që përmes ekspertëve tanë të elektrikes të bëjmë zgjidhje qoftë edhe të përkohshme vetëm sa t’i nxjerrim minatorët nga zgafella”, ka thënë kryesindikalisti i Trepçës Shyqyri Sadiku.

Ndryshe, rreth orës 12:00 kishte shpërthyer një trafo e ndërmarrjes Trepça. /Telegrafi/