Një trafostacion i ndërmarrjes “Trepça” në Mitrovicë, është përfshirë nga zjarri ku si pasojë qyteti i Mitrovicës ka mbetur pa energji elektrike.

Reklama

Lajmin për Telegrafin e ka konfirmuar zëdhënësi i KEDS-it, Viktor Buzhala.

Sipas tij, pas djegies së trafostacionit është shkëputur një lidhje e KOSTT-it, mirëpo siç tha ai ende nuk dihet se cilët ishin shkaktarët e zjarrit.

“Është djeg një trafo e Trepçës dhe është shkëputur një lidhje e KOSTT-it, ende nuk dihet cila e ka shkaktuar cilën”, ka thënë Buzhala.

Buzhala po ashtu tha se si pasojë e zjarrit i gjithë qyteti iMitrovicës ka mbetur pa energji elektrike.

Reklama

“Kjo na ka pamundësuar që ta furnizojmë Mitrovicën me energji elektrike. Jemi në proces të kthimit të energjisë energjinë elektrike”, theksoi zëdhënësi i KEDS-it, Viktor Buzhala. /Telegrafi/

Reklama