LAJMI I FUNDIT:

N’GJAKUN E EDENIT

N’GJAKUN E EDENIT
Peter Gabriel dhe Sinead O'connor (Getty Images)

Nga: Peter Gabriel
Përkthimi: Agron Shala

E kapa shëmbëlltyrën teme
E kapa n’dritare
Errësinën n’zemrën teme e pashë
Shenjat e zhbamjes teme i pashë
Prej fillimit aty ishin kanë

E, errësina hala ka shumë punë me ba
Për me i zgjidh nyjet e akordit
E mallkumeja edhe e shenjta
Oh, atje nalt ulun janë
Për gjithçka qi blejnë sa besim qi kanë

N’gjakun e Edenit
Shtrihen grueja edhe burri
Me burrin mbrenda grues
E gruen mbrenda burrit
N’gjakun e Edenit
Shtrihen grueja e burri
E kemi dashtë bashkimin
Oh, bashkimin e grues
T’grues e t’burrit

Siguria jeme po rr’shqet
Po menoj qi e kam hup kontrollin
Po menoj qi e kam hup kontrollin
Siguri ma nuk muj me pasë
Veresi nuk donë, veç ar

A është nji kamë apo nji kryq qi po e shoh?
N’duer fort e mban
Largësia mes meje e teje veç rritet
E unë nuk po kuptoj

N’gjakun e Edenit
Shtrihen grueja edhe burri
Me burrin mbrenda grues
E gruen mbrenda burrit
N’gjakun e Edenit
Shtrihen grueja e burri
E kemi dashtë bashkimin
Oh, bashkimin e grues
T’grues e t’burrit

Me kërkesën teme ti m’pranove
N’atë butësi pluskoj larg prej k’tuhi
Pa siguri, pa asnji send me u mbështetë
Tue u ndalë për nji çast
Çfarë çasti âsht ky
Nji çast i harresës
Nji çast i lumtunisë, oh

Po muj me ndigjue nji bubullimë t’largët
T’nji milion shpirtave t’padëgjuem
T’nji miliona shpirtave t’padëgjuem
Shihe secilin tue u mundue me mbrri rehatinë
Se po mbushin zbraztitë qi i kanë

N’gjakun e Edenit
Shtrihen grueja edhe burri
Me burrin mbrenda grues
E gruen mbrenda burrit
N’gjakun e Edenit
Shtrihen grueja e burri
E kemi dashtë bashkimin
T’grues e t’burrit

N’gjakun e Edenit
Shtrihen grueja edhe burri
E ndiej burrin mbrenda grues
E gruen mbrenda burrit

N’gjakun e Edenit
Shtrihen grueja edhe burri
E ndiej burrin mbrenda grues
E gruen mbrenda burrit

N’gjakun e Edenit
Kemi ba gjithçka qi kemi mujtë

N’gjakun e Edenit
Marrim fund njashtu qysh ia filluem
Me burrin mbrenda grues
E gruen mbrenda burrit
Gjithçka ishte për bashkimin
Oh, për bashkimin e grues
T’grues e t’burrit