Nga viti 1982 kishte ngecur në mal për shkak të ortekëve të borës, burri nga Colorado shpëtohet – por u zbulua se atë ditë kishte vrarë dy vajza

Lee Phillips në vitin 1982 me çdo kusht ishte mundur të tërheq vëmendjen e aeroplanit që fluturonte mbi të. Kishte ngecur në ortekun e borës në zonën malore në një lartësi mbidetare prej 3 mijë metra.

Me një kombinim prej dritave të shkurta dhe të gjata, dërgonte porosinë e njohur SOS që Harold Bray sherif lokal për çudi e vërejti në aeroplan, transmeton Telegrafi.

E krimi i tij u zbulua me ndihmën e analizës së ADN-së, dhe ai tani 70-vjeçar, Phillips është arrestuar. Dy viktimat e tij ishin zhdukur më 6 janar të vitit 1982.

Bëhet fjalë për Annette Shney, 22-vjeçe dhe Barbara Joe Oberholcer, 29, që ishin raportuar si të zhdukura pasi që kishin bërë autostop në afërsi të Brakenridge në shtetin e Colorado, ku që të dyja punonin.

Oberholcer për herë të fundit ishte parë duke u larguar nga një lokal ku kishte pirë me kolegët pak pas orës 20:00. Të nesërmen, familja e saj e ka gjetur trupin e saj të pajetë 16 kilometra në jug nga Brekenridge rreth 20 metra nga autostrada, ka bërë të ditur zyra e FBI-së në Colorado.

Policia ka njoftuar se mbi të ishte shtënë me armë në gjoks dhe është gjetur e shtrirë me fytyrë për tokë. Gjithashtu kanë gjetur disa nga gjësendet e saj rreth 20 kilometra larg vendit ku është kryer krimi.

Shney për herë të fundit ishte parë rreth orës 16:45 po të njëjtën ditë sikurse Obreholcer. Trupin e saj të pajetë e ka gjetur një djalë rreth gjashtë muaj pas vrasjes.

E Phillips që u shpëtua nga orteku i borës, u zbulua se atje kishte ngecur nga viti 1982 kur edhe kishte kryer vrasjet e dy vajzave të reja. /Telegrafi/