Nga një legjendë e Turqisë, në një taksist në ShBA – Hakan Sukur ka një lutje për Erdoganin

Hakan Sukur ishte një ikonë e futbollit turk në fund të viteve ’90-ta dhe 2000, por pas një qëndrimi në politikë në Turqi ai u largua nga vendi i tij dhe tani është një taksist.

Ish-sulmuesi i Blackburn Rovers, Inter dhe Galatasaray u pensionua nga futbolli në vitin 2008 pas një periudhe të tretë me skuadrën me bazë në Stamboll, ku ai është një legjendë e klubit.

Në vitin 2011, ai u bë anëtar i Asamblesë së Madhe Kombëtare të Turqisë përpara se të largohej në 2015. Ai u largua nga vendi për në drejtim të SHBA-së në vitin 2017 dhe zbuloi në një intervistë me gazetën gjermane Welt am Sonntag, se tani është vetëm një taksist.

“Nuk më ka mbetur asgjë, Erdogan mori gjithçka: të drejtën time për liri, lirinë e shprehjes dhe të drejtën për të punuar”, shpjegoi ai se presidenti turk Erdogan e largoi atë nga vendi me një urdhër për arrestimin e tij për një grusht shteti të supozuar që ai me sa duket ishte pjesë.

“Askush nuk duket në gjendje të shpjegojë se cili duhet të ishte roli im në këtë grusht shteti. Unë kurrë nuk kam bërë asgjë të paligjshme, nuk jam tradhtar apo terrorist”.

“Unë mund të jem armik i kësaj qeverie, por jo i shtetit apo kombit turk. Unë e dua vendin tim. Pasi u largova nga Erdogan, fillova të merrja kërcënime, dyqani i gruas sime u sulmua, fëmijët e mi u ngacmuan, babai im futet në burg dhe më konfiskuan të gjitha pasuritë”.

Lexo po ashtu Rrëfimi i yllit të futbollit Hakan Sukur pasi u shpall tradhtar në Turqi: Erdogan më mori gjithçka që kisha, punoj si taksist dhe shes libra në SHBA

“Kështu që unë u transferova në Shtetet e Bashkuara, fillimisht udhëhiqja një kafene në Kaliforni, por njerëz të çuditshëm vazhdonin të vinin në bar. Tani unë vozis për taksi dhe shes libra”, ka shtuar më tej ai.

Nuk është hera e parë që Erdogan shkakton bujë në futboll. Në vitin 2018, 67-vjeçari u fotografua me Mesut Ozil dhe Ilkay Gundogan përpara zgjedhjeve në Turqi.

Turkish legend Hakan Sukur is now an Uber driver in America. 🚕🇺🇸

The former Galatasaray star joined president Erdogan's political party in 2013, but fell out with him in 2015. 🇹🇷

He's now been exiled from Turkey by Erdogan and his bank accounts were frozen. 🤯

Insane. 🤬 pic.twitter.com/hYbV37SVqm

— Football Tweet ⚽ (@Football__Tweet) January 15, 2020

Ai nuk u lejua të mbante mitingje të fushatës zgjedhore në Gjermani, por 1.2 milionë qytetarë në vend kishin ende të drejtë për të votuar në zgjedhje dhe fotografia u pa si PR për të.

Është turp për Sukur që nuk mund të jetojë më në vendin ku është me të drejtë një legjendë futbolli dhe përkundrazi është i bllokuar në SHBA, duke vozitur si taksist. /Telegrafi/