Ekziston një mundësi që kjo të mos ndodh, dhe ajo është nëse bëhet një marrëveshje midis pronarit të aplikacionit ByteDance dhe gjigantit të teknologjisë Oracle.

Njerëzit në SHBA do të ndalohen të shkarkojnë TikTok nga kjo e diel, shkruan SkyNews.

Departamenti i Tregtisë i SHBA-së tha se duke filluar nga 20 shtatori, amerikanët nuk do të jenë në gjendje të marrin aplikacionin e famshëm të ndarjes së videove TikTok, transmeton Telegrafi.

Ndalimi do të mbulojë gjithashtu aplikacionin e mesazheve WeChat.

Presidenti Donald Trump mund të tërheqë ende ndalimin para ditës së diel në mbrëmje nëse bëhet një marrëveshje midis pronarëve kinezë të TikTok ByteDance dhe gjigandit të teknologjisë amerikane Oracle.

Të dy firmat janë në bisedime për të krijuar një kompani të re, TikTok Global, që synon të adresojë shqetësimet e Shtëpisë së Bardhë në lidhje me sigurinë e të dhënave të përdoruesve të saj.

Një deklaratë nga departamenti tha: “Partia Komuniste Kineze ka demonstruar mjetet dhe motivet për të përdorur këto aplikacione për të kërcënuar sigurinë kombëtare, politikën e jashtme dhe ekonominë e SHBA-së. /Telegrafi/