Mësimi i historisë për represionet e Stalinit i dëmton nxënësit, mendojnë autoritete. Shkak për debatin është një libër shkollor të Andrej Suslovit. Ai është profesor historie në Universitetin e Shkencave Shoqërore dhe Pedagogjike në Perm. Autoriteti mbikëqyrës rus në fushën e komunikimit (Roskomnadsor) e pati futur në listën e zezë librin, sepse “dëmton shëndetin e fëmijëve”.
Autoritetet ruse ndërhyjnë gjithnjë e më shumë në diskursin e historisë. Shkas për këtë është këndvështrimi i pushtetit në Kremlin, sipas të cilit pas shpërbërjes së Bashkimit Sovjetik, Rusia e tronditur prej krizave, sërish duhet të bëhet një “shtet i madh”. Për ta mbështetur ideologjikisht këtë pretendim, ata i kthehen historisë dhe i referohen stalinizmit.
Librat shkollorë duhet të nxisin “edukimin patriotik”. Qysh më 2007 ish-presidenti dhe president i sotëm i Rusisë Vladimir Putin, udhëzoi botimin e një libri historie, në të cilin Stalini cilësohet si “udhëheqësi më i suksesshëm sovjetik i të gjitha kohërave”. Në të gjitha këto libra Stalini paraqitet si patriot dhe modernizues. E në to anashkalohet numri i pamasë i viktimave të kolektivizimit të dhunshëm të bujqësisë dhe industrializimi i shfrenuar si dhe terrori masiv i viteve 1930. Diktatura komuniste legjitimohet nga pretendimi, se në raportet e asaj kohe kjo ka qenë e nevojshme. Në këtë mënyrë edhe Putin do të legjitimojë sundimin autoritar.
Në një bisedë për DW, Suslov thotë se librin shkollor e ka shkruar bashkë me një kolege të tij. Ky libër u botua nga organizata ruse “Qendra për formimin politik dhe të drejtat e njeriut.”
“Libri është konceptuar për nxënës të klasave të larta dhe mund të përdoret edhe jashtë programit mësimor. Ai u ndihmon mësuesve dhe nxënësve të njihen me historinë e stalinizmit dhe të pasojave të këtij sistemi”, thotë Suslov.
Gjatë prezantimit të librit, Ministria e Arsimit në rajonin Perm pati ofruar që libri të publikohet në faqen e internetit të Ministrisë, gjë që edhe kështu u bë. Por, pasi Roskomnadsori e klasifikoi librin si “të dëmshëm për shëndetin e fëmijëve” ai u zhduk menjëherë nga faqja e internetit. Prokuroria kërkoi gjithashtu nga “Qendra për formimin politik dhe të drejtat e njeriut”, që ta plotësojë librin me udhëzimin për përdorim nga mosha 18 e sipër. Suslov dhe qendra si rrjedhojë ngritën padi ndaj autoritetit të mbikqyrjes në qarkun Perm.
Suslov thotë se aktivitetet e lëvizjes “Sut vremeni” (Qenia e kohës) iu sulën atij kundër librit. Ata kanë shkruar shumë letra tek autoritetet e ndryshme. Verën e vitit 2016 Dmitrij Usun ngarkoi ekspertë të akredituar në Roskomnadsor që të përpilojnë një ekspertizë për librin. Suslov mendon se Usuni është i lidhur me lëvizjen “Sut vremeni”. Ekspertët arritën në përfundimin se “libri nxit bindje armiqësore ndaj shoqërisë dhe shtetit”.
Pavel Gurjanov nga lëvizja “Sut vremeni” në Perm i tha DW-se se e përshëndet vendimin e Roskomnadsorit. Ndërkaq, Aleksandr Verchovskij, drejtues i Qendrës së Moskës për të Drejtat e Njeriut “Sova”, i tha DW-së se është krejtësisht e paqartë përse autoriteti mbikëqyrës Roskomnadsor ka ndërhyrë. Ky autoritet në fakt është përgjegjës për mbikëqyrjen e mediave.
“Kjo është një çështje që ka të bëjë me pedagogjinë. Për këtë duhej të kishte vendosur ministri i arsimit”, thotë Verchovskij.
“Që ka libra të cilët dëmtojnë fëmijët, kjo qëndron”, thotë Irina Shtsherbakova nga Organizata e të Drejtave të Njeriut “Memorial”. “Por kjo nuk vlen për librin mësimor të Suslovit. Të dëmshëm janë librat që përhapin mite ideologjike dhe gënjeshtra. Një “zbukurim i kohës së Stalinit është i rrezikshëm. Përmes kësaj mund të krijohet përshtypja, që dhuna është e lejueshme”.
Promo
Reklamo këtuLufta Prigozhin - Putin
Më shumë"Po na djegin, ju lutem na ndihmoni", rusët nuk kanë zgjidhje për sulmet me dronë të ukrainasve
Shikoni videon që riktheu shpresën në Kiev, 42 tanke dhe mjete luftarake ruse shkatërrohen në Donetsk
"Zhduken" afro 500 mijë dollarë të ndara për rindërtimin e një qyteti ukrainas
Borrell e uroi qeverinë e re serbe, eurodeputeti gjerman nuk përmbahet: Si mund ta bëjë një budallallëk të tillë
Dhjetë aeroportet më të pastra në botë - vetëm një është në Evropë
Amerikani u kthye nga varrimi i xhaxhait dhe gjeti të bijën duke luajtur letra – pyeti kush fiton dhe përgjigja e tmerroi
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"E pabesueshme, qesharake, absurde...", reagimet ndaj deklaratës së Borrellit, se mezi pret të punojë me qeverinë e re të Serbisë
Nuk pajtohet me Ancelottin, mbrojtësi i Real Madridit ka gjetur destinacionin e ri
Erdogan foli pas ndërprerjes së marrëdhënieve tregtare mes Turqisë dhe Izraelit
U përfol se u ndanë për të shpëtuar pasurinë, Bes Kallaku jep përgjigjjen përfundimtare
Çfarë pyetje u bëhen qytetarëve në diasporë për regjistrim?
Po shkëlqen te Borussia Dortmund, por është lojtar i Chelseat – Guardiola e do me çdo kusht te Man City