Në një qytet në SHBA, pothuajse të gjithë banorët jetojnë në të njëjtën ndërtesë – është një tunel në bodrum përmes të cilit ata shkojnë në shkollë
Të jetosh në një lagje të lidhur ngushtë me një ndjenjë të fortë të komunitetit është mirë, por si do të ndiheshit nëse të gjithë në qytet do të jetonin në të njëjtën ndërtesë?
Një qytet në shtetin amerikan të Alaskës ka pothuajse të gjithë popullsinë e tij që jetojnë nën të njëjtën çati.
Sipas mediave të huaja, përcjell Telegrafi, i ndodhur rreth 60 milje në juglindje të Anchorage (Anchorage, qyteti më i madh i Alaskës), qyteti i Whittier ka një ndërtesë 14-katëshe që gjithashtu strehon një klinikë shëndetësore, stacion policie dhe një dyqan.
Ndërtesa, e quajtur Kullat Begich, është një ish-kazermë e Ushtrisë që i ngjan një hoteli shumë të madh.
Dhe për të parë se për çfarë bëhet fjalë është “kujdesur” një banore e Whittier e cila ka publikuar pamjet nga atje dhe përdoruesit e internetit janë argëtuar.
TikToker-ja Jenessa (@ messy.nessy), në një video, zbuloi se “ka një qytet ku të gjithë jetojnë në të njëjtën ndërtesë. Um, unë aktualisht jetoj në atë ndërtesë”.
Viral on TikTok right now: Begich Towers in Whittier, Alaska
The TikToker is also using their page to educate people about Whittier. pic.twitter.com/24A98qKg3u
— Shayne Nuesca (@shaynenuesca) April 30, 2021
Ajo ofroi një paraqitje të shkurtër të dritares së saj dhe tha: “Në këtë ndërtesë ka një zyrë postare, një kishë, një dyqan dhe një zyrë ndërtese. Në bodrumin e kësaj ndërtese, ne kemi një tunel që shkon nga kjo ndërtesë në shkollën përtej rrugës. Aktualisht ka 318 njerëz që jetojnë këtu gjatë gjithë vitit”.
Jenessa, e cila ka jetuar në qytet për shtatë vjet, ka adresuar gjithashtu pyetjet që njerëzit bënë në lidhje me situatën e saj të çuditshme, përcjell Telegrafi.
Ajo gjithashtu ndau historinë e vendbanimit: “Whittier ka ekzistuar që nga vitet 1940, u ndërtua rreth Luftës së Dytë Botërore dhe ishte një bunker ushtarak. Pas Luftës së Dytë Botërore shumë njerëz u larguan, por ne ende kishim një popullsi të madhe deri në tërmetin e 1964. Whittier pati shumë dëme pas tërmetit, kështu që shumë njerëz u larguan. Njëra nga ndërtesat këtu e cila ishte shtëpi ushtarake u braktis”.
Duke shpjeguar pse të gjithë jetojnë në të njëjtën ndërtesë, ajo tha: “Këtu nuk ka shtëpi sepse nuk mund të blini ndonjë pronë sepse pjesa më e madhe e saj është në pronësi të hekurudhës. Pra, kjo është arsyeja pse të gjithë jetojnë në një ndërtesë, sepse nuk mund të blini pronë për të ndërtuar një shtëpi”.
Ajo shtoi: “Ju mund të zotëroni apartamentin tuaj në këtë ndërtesë, ose mund të merrni me qira nga dikush. Por kryesisht të gjithë kanë apartamentin e tyre. Megjithatë, ne duhet të paguajmë detyrime mujore – kjo gjithashtu përfshin ujë, energji elektrike, gjëra të tilla”.
Kur është pyetur se çfarë bën ajo për argëtim, ajo tha: “Në verë ka shumë gjëra që mund të bësh – mund të shkosh në një anije, mund të bësh shëtitje, mund të bësh peshkim, të bësh ski-jet, të shkosh në një turne në akullnajë; kaq shumë gjëra”.
Sidoqoftë, gjatë dimrit nuk ka shumë për të bërë përveç skive rreth 20 minuta larg nga aty.
Jenessa tha se ka shumë pak të rinj përreth dhe se shoqja e saj më e mirë jeton një kat mbi të.
Sipas saj, ka vetëm 20 njerëz të moshës së saj në qytet.
“Askush në të vërtetë nuk ‘flirton’ këtu, sepse ne të gjithë jemi rritur së bashku, kështu që do të ishte diçka e çuditshme”, tha ajo. /Telegrafi/
Promo
Reklamo këtuLufta Prigozhin - Putin
Më shumëThellohen humbjet e Rusisë: Mbi 100 ushtarë rusë të vdekur nga sulmi i fundit i ukrainasve me ATACMS
Trupat ruse hyjnë në bazën ajrore në Nigeri, ku janë të stacionuar ushtarët amerikanë
A po shkojnë Ukraina dhe Rusia drejt bisedimeve?
Vuçiq humb kontrollin gjatë konferencës, analisten amerikane Ivana Stradner e quan të çmendur
Ushtria amerikane publikon videon misterioze "Ghost in the Machine" për rekrutimin e ushtarëve të njësisë speciale
Ukrainasit bombardojnë qendrën trajnuese të rusëve, e godasin me sistemin raketor amerikan ATACMS
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe