Në Klinikën Infektive të Qendrës Klinike Universitare të Kosovës janë duke u trajtuar 10 raste me COVID-19.

Nga këto 10 raste, shtatë janë në gjendje stabile, ndërsa tri raste janë në gjendje më të rënduar në trajtim me oksigjenoterapi dhe përkujdesje intensive. Dy prej janë duke u trajtuar në Mjekimin Intensiv të kësaj klinike

Në njoftim bëhet e ditur se nga klinika do të lirohen pesë raste.

Ndryshe, mbrëmë Instituti Kombëtar i Shëndetësisë Publike të Kosovës, ka njoftuar janë testuar 202 mostra të marra nga Klinika Infektive dhe gjurmimi i kontakteve të rasteve në terren, nga të cilat janë konfirmuar 7 raste me COVID-19.

Nga data 08 shkurt deri më 17 maj 2020, në Laboratorin e Mikrobiologjisë Molekulare në IKSHPK me metodën RT-PCR, janë testuar gjithsej 11.787 mostra të dyshimta në virusin SARS-CoV-2 dhe prej tyre pozitive rezultojnë gjithsej 985 raste, me gjithsej 29 raste të vdekjes të cilët kanë pasur sëmundje të tjera shoqëruese.

Numri i përgjithshëm i të shëruarve deri më sot është gjithsej 736 raste. /Telegrafi/