Për shkak të ndryshimeve klimatike, vitet e fundit ndryshimet e kushteve të motit dhe të temperaturës së ajrit kanë ndodhur krejt papritur.
Ndryshimet e tilla të papritura nuk i lejojnë organizmit tonë që të përshtatet me to, prandaj njerëzit, veçanërisht ata me sëmundje kronike, reagojnë ndaj tyre me simptoma të ndryshme.
Shumica prej nesh të paktën një herë kanë ndier ndryshime në trup për shkak të një ndryshimi të papritur të motit. Sipas të dhënave nga Organizata Botërore e Shëndetësisë, lista e sëmundjeve meteorotropike – pra sëmundjet kronike, përkeqësimi i të cilave mund të ndikohet nga një kërcim ose rënie e papritur e temperaturës – përfshin më shumë se 50 sëmundje.
Kur moti ndryshon dhe temperatura ulet, mund të presim një disponim të keq, pagjumësi, dhimbje koke, dhimbje në nyja, kocka, muskuj. Ndryshimet e papritura të temperaturës do të ndjehen më shumë nga pacientët kronikë dhe të moshuarit – thonë ekspertët.
Me një ndryshim të papritur të motit, pacientët me problem të zemrës duhet të jenë veçanërisht të kujdesshëm. Enët e gjakut dihet se zgjerohen dhe tkurren në nxehtësi dhe në të ftohtë, gjë që mund të shkaktojë luhatje të presionit të gjakut.
Ndryshimi i temperaturës në një kohë të shkurtër prej vetëm disa gradësh shkakton ngushtimin e arterieve, qarkullimin e kufizuar të gjakut dhe mungesën e oksigjenit që arrin në zemër, e cila për shkak të motit të ftohtë pompon gjakun më shpejt për të ruajtur nxehtësinë e trupit. Më pas rritet presioni dhe rreziku i sulmit në zemër është më i madh.
Për shkak të rënies së menjëhershme të temperaturës, personat që kanë probleme me tensionin e gjakut, si dhe probleme me zemrën, nuk duhet të ekspozohen ndaj përpjekjeve të tepërta apo punës së rëndë fizike dhe duhet të marrin terapi të rregullt.
Sulmet e astmës mund të ndodhin për shkak të rritjes së lagështisë në ajër ose për shkak të një përqendrimi më të lartë të polenit që shpesh sillet nga stuhitë, të cilat në të njëjtën kohë ftohin ajrin dhe sistemin e frymëmarrjes, gjë që bën që bronket në mushkëri të ngushtohen dhe ta bëjnë frymëmarrjen të vështirë.
Për personat me astmë, një reagim i tillë mund të jetë i rrezikshëm, prandaj rekomandohet të merret terapia e përshkruar si parandalim dhe të monitorohet gjendja dhe rrjedha e astmës dhe të ordinohet sipas nevojës.
Personat që vuajnë nga sëmundjet reumatizmale mund të ndjejnë dhimbje në kocka dhe muskuj. Arsyeja e lidhjes mes ndryshimit të motit dhe dhimbjes së shtuar reumatizmale qëndron në ndryshimin e presionit të ajrit, lagështisë dhe temperaturës.
Këta tre elementë ndryshojnë më së shumti gjatë motit të ftohtë dhe stuhive. Domethënë, kur presioni bie, nyjat tendosen dhe duke pasur parasysh se janë të mbushura me mbaresa nervore, ndihet dhimbje.
Një parakusht i mirë për zbutjen e efekteve negative të motit është një dietë e shëndetshme dhe e duhur, në të cilën të gjitha ushqimet e rëndësishme përfaqësohen në mënyrë optimale, marrja e një sasie të mjaftueshme të lëngjeve dhe aktiviteti fizik i moderuar.
Një gjumë i mirë dhe cilësor prej tetë orësh është i domosdoshëm nëse duam që trupi t’i përballojë ndryshimet që pasojnë. Jini të moderuar me analgjetikët, qetësuesit dhe pijet stimuluese (kafe, alkool etj.).
Pacientët kronikë duhet të marrin rregullisht barnat e përshkruara dhe nëse efektet negative të kohës janë të shpeshta ose përkeqësohen, është e nevojshme të konsultohen me mjekun. /Telegrafi/
Lufta Prigozhin - Putin
Më shumëTop pesë pozicionet në shtrat që femrat nuk mund t’i imagjinojnë!
A e keni ditur se për çfarë shërben pjesa metalike në letrën e sallamit, kjo video po bën xhiron në internet
Nëse dëshironi lumturi, motivim dhe paqe të mendjes, ndiqni këto këshilla
Pse trajneri Arbër Peci këshillon të mos vrapojmë?
Harrojini bisedat e pista! Shprehjet e fytyrës janë më efektive për të përcjellë atë që dëshironi gjatë seksit
Mbjellja e barit në vjeshtë: Mbillni në oborrin tuaj në kohën e duhur
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë