Ish-kryeministri i Shqipërisë Sali Berisha, njëherësh kryetar i grupit demokrat, nuk ka asnjë shpresë se qeveria e pasardhësit të tij, Edi Rama, mund të ndryshojë për mirë.
Në mbledhjen e përjavshme me gazetarët, Berisha komentoi lëvizjet në kabinetin qeverisës.
Ai tha se nuk ka fjalë të mira për drejtuesit e rinj të dikastereve të ekonomisë (Ervin Mete), diplomacisë (Igli Hasani), shëndetësisë (Albana Koçiu) dhe pushtetit vendor (Arbjan Mazniku).
“Zëvendësimet: [Edi Rama] u tha shqiptarëve se jeni të pashpresë në qoftë se s’merrni në dorë fatin tuaj. Dhe kë solli në qeveri? Solli përfaqësuesin zyrtar të ‘Ndrangheta-s në Tiranë, [Arbjan] Maznikun, njeriun që ka pasur kontakt me bosin e Veronës. Arbjan Mazniku është ikona më e shëmtuar e zyrtarit të babëzitur që merrte dymbëdhjetë rroga si kryetar bashkie.
Po Koçiu? Ajo është e regjistruar se merr para. Dhe SKAP-i i ka të gjitha këto, për të mos thënë problemet e tjera. [Ervin] Mete ishte ‘refugium peccatorum’ i mëkatarëve të Arben Ahmetajt. Çfarë vidheshin këtu strehoheshin atje.
Për ministrin e jashtëm nuk mund të flas, por ka bërë një gabim fatal që ka pranuar t’i shërbejë një njeriu që nuk ka interes publik e kombëtar përveç interesave personale. Të bëhesh ministër i Jashtëm i njeriut më të diskredituar, më të pakarakter në rajon, njeriut të cilit mandati i qëndron mbi krimin, drogën dhe vjedhjet, merr përsipër të ndëshkosh veten tënde gjithë jetën. Nuk e njoh, por fakti që ka pranuar të marrë Ministrinë e Jashtme nën Edi Ramën flet shumë për të.
Për ndryshimet e qeverisë: ikën mëkatarë, erdhën mëkatarë, ikën të korruptuar, erdhën të korruptuar,” deklaroi Berisha.
Në Asamblenë e fundit të Partisë Socialiste, ish-kryeministri Berisha tha se nuk kishte në asnjë fjali urrejtjeje për të personalisht, por kryeqeveritari Rama sulmoi të tijët.
“Në qoftë se do të lexoni fytyrat e asambleistëve, do të shihnit terrorin që ai ushtroi mbi ta,” u shpreh Berisha.
Kryedemokrati komentoi edhe takimin e ditës me kreun e Partisë së Lirisë, Ilir Meta.
“Bashkë diskutuam të gjitha problemet e opozitarizmit të sotëm, parlamentar e joparlamentar, dhe ramë në ujdi që të vazhdojmë bashkërendimin e përpjekjeve tona në interesin më të mirë të shqiptarëve,” tha ish-kryeministri Berisha./RTSH
Promo
Reklamo këtuLufta Prigozhin - Putin
Më shumëAksident i rëndë trafiku në Prishtinë mes një veture dhe dy motoçikletave
Martesa e dy vajzave në bashkinë e Tiranës, ligji shqiptar nuk lejon martesa të së njëjtës gjini, reagon Kisha Katolike
Dy gra u martuan te Bashkia e Tiranës, Malaj: Kundër veprimeve që e tejkalojnë ligjin
Kasami: Deklarata të rrezikshme nga Ali Ahmeti, VLEN nuk është e interesuar për konflikte mes shqiptarëve
Tahiri: 30 maji është data e fundit që të shpërbëhet Kuvendi
Kusari - Lila: Nuk kemi kërkesë zyrtare për shpërberje të Kuvendit
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Qysh nga raundi i parë u vërejt se diçka nuk shkon me Tyson Furyn - tani publikohen pamjet
Besnik Berisha: Enver Sekiraqa nuk është arratisur
Ato që dimë deri tani rreth aeroplanit “të rrëzuar” të presidentit të Iranit
Dy gra u martuan te Bashkia e Tiranës, Malaj: Kundër veprimeve që e tejkalojnë ligjin
"Askush nuk donte të fliste me mua te Barcelona, vetëm Eric Abidal” - ylli i ri francez tregon vuajtjet te gjiganti i La Ligas
Aeroplani “i rrëzuar” i presidentit të Iranit, thuhet se tanimë ka pasur një kontakt me pasagjerët dhe anëtarët e ekuipazhit