Bota mund të ballafaqohet me ndryshime shkatërrimtare të klimës. Këtë rezultat e jep studimi i Universitetit të Washingtonit, që është publikuar në revistën Nature Climate Change.
Shkencëtarët të cilët kanë marrë pjesë në hulumtim, me 90 për qind siguri thonë se temperatura do të rritet nga 2-4.9 gradë Celsius – krahasuar me periudhën para revolucionit industrial. Këtë zhvillim nuk do ta ndalin as masat e marra për të reduktuar emetimet e gazit serrë, transmeton Telegrafi.
Në këtë moment, shkencëtarët besojnë se bota do të goditet nga efektet shkatërrimtare të thatësirës, kushteve ekstreme të motit dhe rritjes së rrezikshme të nivelit të detit.
Rritja e temperaturës me dy gradë konsiderohet pika pas së cilës ndryshimet do të bëhen të pandalshme. Ndërsa, me siguri nuk do të jemi në gjendje për të ndalur ngrohjen në 1.5 gradë Celsius, siç parashikohet me Marrëveshjen e Parisit për Klimën. Madje, me 99 për qind ka të ngjarë që ngrohja ta kalojë atë linjë.
Dr. Dargan Frierson thotë se edhe me 1.5 gradë bota do të has në probleme me mënyrën e jetesës. Ndërsa, shton me bindje se temperatura do të rritet edhe më shumë.
Hulumtuesit shqyrtuan të dhënat në lidhje me popullsinë dhe aktivitetit ekonomik në 50 vitet e fundit, për ta krijuar këtë parashikim. Parasysh kanë marrë “intensitetin e karbonit” ose sasinë e karbonit të emetuar për çdo dollar të aktivitetit ekonomik.
Kjo qasje është e ndryshme nga ajo e përdorur nga studiuesit e Panelit Ndërqeveritar për Ndryshimet Klimatike, shkruan The Independent, transmeton Telegrafi.
“Analiza jonë është në përputhje me parashikimet e mëparshme, por tregon se nuk ka gjasa të ndodhin skenarët optimistë. Jemi buzë greminës”, thotë profesori Adrian Raferty, i cili udhëhoqi ekipin e Universitetit të Washingtonit. “Qëllimet e përcaktuara me Marrëveshjen e Parisit janë ambicioze dhe reale. Por, lajmi i keq është se nuk janë të mjaftueshme për të mbajtur ngrohjen nën 1.5 gradë”.
Një tjetër studim i publikuar së voni tregon se edhe nëse emetimet e lëndëve djegëse fosile bien këtë vit, deri në fund të shekullit temperaturat do të rriten në 1.3 gradë Celsius.
“13 për qind janë shanset që Toka deri më 2100 do të jetë më e ngrohtë se 1.5 gradë”, thotë Dr. Thorsten Maurits, nga Instituti Max Planck në Gjermani.
Në anën tjetër, Business insider ka përpiluar një video që tregon se si qytetet e madhe për vetëm 80 vite mund të përmbyten nga uji.
“Qindra qytete të mëdha në botë mund të zhduken. Në SHBA mund të zhduken përgjithmonë Atlantic City, New Jersey, Gavelstone…”, thuhet aty.
Agjencia Kombëtare për Hulumtim të Oqeaneve dhe atmosferës (NOA) më herët ka paralajmëruar për ngritjet ekstreme të nivelit të detit që mund të godasin 670 vende bregdetare. /Telegrafi/
Promo
Reklamo këtuLufta Prigozhin - Putin
Më shumëTreni në Japoni u nis me 17 minuta vonesë: Kur pasagjerët dëgjuan arsyen, askush nuk u zemërua
Çfarë janë retë artificiale dhe a shkaktuan përmbytjet e mëdha në Dubai?
Ajo hipi mbi një peshkaqen, pastaj u pendua shumë: Vajza u lëndua në një vend të papërshtatshëm
Një fshat i vogël është bërë i famshëm në Itali: Atje dielli nuk bie kurrë, por vendasit kanë një ide gjeniale
Ashensori më i madh i pasagjerëve në botë - sa persona mund t'i transportojë në të njëjtën kohë
‘Hakmarrja’ e Izraelit ndaj Iranit - gjithçka që ndodhi në ditën kritike
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
‘Hakmarrja’ e Izraelit ndaj Iranit - gjithçka që ndodhi në ditën kritike
Serwer tregon se pse Serbia i frikësohet anëtarësimit të Kosovës në Këshillin e Evropës
Barcelona po nënshkruan mega-kontratë, ajo do t'i sjellë klubit mbi një miliard euro
Treni në Japoni u nis me 17 minuta vonesë: Kur pasagjerët dëgjuan arsyen, askush nuk u zemërua
Pas ‘hakmarrjes’ së Izraelit ndaj Iranit, reagon shefi i NATO-s
Von Cramon: Nëse Kosova e Serbia përfitojnë më shumë nga moszbatimi i marrëveshjeve, vështirë të bëhet diçka në Bruksel