LAJMI I FUNDIT:

NASA dhe Nokia po vendosin rrjetin 4G në Hënë

NASA dhe Nokia po vendosin rrjetin 4G në Hënë

Për të arritur qëllimin e saj të vitit 2028 për të ndërtuar një bazë hënore dhe përfundimisht të mbështetur një prani njerëzore në hënë, NASA dha 370 milionë dollarë për një duzinë ndërmarrjesh për të vendosur teknologjinë në sipërfaqen e hënës.

Këto risi përfshijnë gjenerimin e energjisë në distancë, ngrirjen kriogjenike, robotikën, uljen më të sigurt … dhe 4G. Sepse si ndryshe do të shkruajnë në Twitter astronautët, apo si do ti postojnë fotografitë e tyre në hënë dhe selfiet e roverit hënor?, shkruan CNN.

NASA thotë se 4G mund të sigurojë një komunikim më të besueshëm, në distancë më të gjatë se standardet aktuale të radios në Hënë. Ashtu si në Tokë, rrjeti 4G përfundimisht do të azhurnohet në 5G, transmeton Telegrafi.

Laboratorëve Bell të Nokia (NOK) iu dha 14.1 milionë dollarë për projektin. Bell Labs, i operuar më parë nga AT&T, do të jetë partner me kompaninë e inxhinierisë së fluturimeve hapësinore Intuitive Machines për të ndërtuar rrjetin 4G-LTE.

John Oliver bën shaka duke thënë se 4G ndoshta do të funksionojë më mirë në hënë sesa këtu – nuk do të ketë asnjë pemë, ndërtesë apo sinjal televiziv për të ndërhyrë në sinjalin 4G.

Rrjeti qelizor i hënës do të projektohet posaçërisht për t’i bërë ballë veçorive të sipërfaqes hënore: temperatura ekstreme, rrezatimi dhe vakumi i hapësirës. Ai gjithashtu do të qëndrojë funksional gjatë uljeve dhe lëshimeve në Hënë, edhe pse raketat dridhin dukshëm sipërfaqen e Hënës.

Laboratorët Bell thanë se astronautët do të përdorin rrjetin e tij pa tel për transmetimin e të dhënave, lundrimin në kohë reale mbi gjeografinë hënore dhe transmetimin e videos me definicion të lartë.

Kjo mund të na japë një pamje shumë më të mirë të astronautëve që kërcejnë në sipërfaqen e Hënës. /Telegrafi/