Mustafa i përgjigjet Lekajt: Dikush po tallet me qytetarët, por jo opozita

Kryetari i Lidhjes Demokratike të Kosovës, Isa Mustafa, i është kundërpërgjigjur nënkryetarit të AAK-së dhe ministrit të Infrastrukturës, Pal Lekaj, pasi ky i fundit e ka konsideruar nismë ne opozitës për rrëzimin e qeverisë si jo serioze dhe tallje me qytetarët.

Mustafa, përmes një postimi në Facebook, ka thënë se “ministri Lekaj, derisa po gjykohen rreth 20 zyrtarë të tij për korrupsion, e ka gjetur të merret me opozitën. Vërtetë, dikush po tallet me qytetarët! Veç jo opozita”.

“Ministri Lekaj, derisa po gjykohen rreth 20 zyrtarë të tij për korrupsion, e ka gjetur të merret me opozitën. Vërtetë, dikush po tallet me qytetarët! Veç jo opozita.Ministri do të ishte më mirë të mendojë, si prind që është, se sa janë nga shoferët me leje të blera nga zyrtarët e tij, që po vrasin fëmijët tanë nëper rrugë. Dhe të ndjej përgjegjësi. E jo të tregojë sesi duhet të mbetet në pushtet”, ka shkruar Mustafa.

Lexo po ashtu Lekaj: Opozita po tallet me qytetarët, nuk kanë numra për rrëzimin e Qeverisë

Ndryshe, nënkryetari i AAK-së dhe ministri i Infrastrukturës dhe Transportit, Pal Lekaj, ka deklaruar se opozita po tallet me qytetarët, pasi që nuk i ka numrat për rrëzimin e Qeverisë, madje thotë se nuk ka asnjë arsye për ta bërë një gjë të tillë. /Telegrafi/