LAJMI I FUNDIT:

Mustafa: Fermerët llapjanë do ta kenë mbështetjen e MBPZHR-së

Mustafa: Fermerët llapjanë do ta kenë mbështetjen e MBPZHR-së

Ministri i Bujqësisë, Pylltarisë dhe Zhvillimit Rural, Besian Mustafa i shoqëruar nga ushtruesi i detyrës së kryetarit të Komunës së Podujevës, Nexhmi Rudari kanë vizituar kultivuesit e pemëve të imta dhe blegtorët e kësaj komune.

Vizita ka pasur për qëllim që të shihet nga afër ecuria e aktiviteteve bujqësore të këtyre fermerëve.

“Në programet mbështetëse përmes granteve investive dhe subvencioneve do ta përkrahim prodhimtarinë bujqësore dhe blegtorale në këtë komunë, duke ndikuar kështu në rritjen e sasisë dhe cilësisë së këtyre prodhimeve”, tha Mustafa.

Rudari theksoi se vetëm përmes kësaj përkrahje këta prodhues mund t’i tejkalojnë edhe sfidat me të cilat ata janë përballur gjatë muajve të fundit. /Telegrafi/