Për të pestën herë më radhë ka dështuar të mbahet gjykimi për hedhjen e gazit lotsjellës ndaj Pal Lekaj, Donika Kadaj-Bujupi, Besa Baftiu e Albulena Haxhiu, të akuzuar për posedim të gazit lotsjellës në hapësirat e Kuvendit të Kosovës.
Shkak i mos mbajtjes së kësaj seance ka qenë mungesa e të akuzuarit Pal Lekaj, raporton “Betimi për Drejtësi”.
Sipas kryetares së trupit gjykues, gjykatëses Fatime Dermaku, për të akuzuarin Lekaj sipas fletë kthesës së gjykatës figuron se dera ishte e mbyllur, ndërsa sipas saj, i njëjti është tentuar të kontaktohet edhe përmes telefonit, por e kishte mbyllur telefonin.
Sipas mbrojtësit të tij, avokatit Arianit Koci, para fillimit të seancës e kishte kontaktuar, por i njëjti e kishte informuar se nuk e kishte pranuar ftesën dhe se nuk ishte në Prishtinë.Fillimisht, pasi në seancën e së martës, dy të akuzuarat Kadaj-Bujupi dhe Haxhiu ishin paraqitur në seancë me vonesë, ato kishin deklaruar se nuk ishin të pajisura as me aktakuzë.
Në këtë mënyrë, gjykatësja Dermaku iu ofroi të njëjtave nga një kopje të aktakuzës, ndërsa e obligoi prokurorin Ilaz Beqiri që të përmbushë detyrimin ligjor që të akuzuarit t’i pajisë me të gjitha shkresat e lëndës.Seanca e radhës pritet të mbahet me 1 prill 2021, në ora 10:30.Fillimisht, gjykatëse e këtij rasti ka qenë gjykatësja Naime Krasniqi – Jashanica, por pas kalimit të saj nga Departamenti i Krimeve të Rënda në Departament të Përgjithshëm, ky rast do të gjykohet nga gjykatësja Fatime Dermaku, raporton “Betimi për Drejtësi.
Ndryshe, para se ky rast të kalonte te gjykatësja Dermaku, seancat e parapara të mbahen me 10 dhe 30 korrik, si dhe seancat e 2 dhe 15 shtator 2020, nuk kishin arritur të mbahen.Sipas aktakuzës së ngritur me 8 prill 2016, Lekaj, Baftiu, Kadaj-Bujupi dhe Haxhiu akuzohen se pa autorizim kishin poseduar bombola të gazit lotsjellës.
Në aktakuzë thuhet se më 19 shkurt 2016, rreth orës 12:20, në hollin e Kuvendit e Kosovës, pas pauzës së punimeve të Kuvendit, derisa të akuzuarit ishin duke u kthyer në sallë, gjatë kontrollit nga ana e punëtorëve të sigurimit të Kuvendit, tek të akuzuarit ishin gjetur dhe sekuestruar nga një bombole e gazit lotsjellës, të cilën e mbanin pa autorizim.Për këto veprime, katër të akuzuarit po dyshohet se secili veç e veç kanë kryer veprën penale “mbajtja në pronësi, kontroll ose posedim të paautorizuar të armëve” nga neni 374, paragrafi 1, të KPRK-së.
Lufta Prigozhin - Putin
Më shumëSBAShK i kërkon Qeverisë dialog dhe rritje të pagave për së paku 30% – paralajmëron veprime tjera sindikale
“Bjeshka” i bashkohet LDK-së, Abdixhiku: Na priftë e mbara Gjeneral
Cameron flet për vizitën e tij në Kosovë, tregon se çfarë i tha sekretarit të NATO-s lidhur me KFOR-in
Nis protesta e SBAShK-ut, kërkohet rritja e pagave
Kosova në KiE dhe rezoluta për Srebrenicën, mediat rajonale: Vuçiq e pranoi zyrtarisht humbjen
Turqia rikonfirmon votën pro anëtarësimit të Kosovës në KiE
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Harry Kane i përgjigjet incidentit të penalltisë me Jude Bellingham me një përgjigje të qartë
Ancelotti tregohet i sinqertë për lojën që bëri Bayerni përballë Realit
Tchouameni ndërpreu Mullerin në intervistë, krijohet situatë qesharake mes dyshes
Tifozja shqiptare e mbështjellur me flamurin kombëtar në tribunat e Allianz Arenas për ndeshjen Bayern-Real
Kosova në KiE dhe rezoluta për Srebrenicën, mediat rajonale: Vuçiq e pranoi zyrtarisht humbjen
Peci: Nëse draft-statuti nuk dërgohet në Kushtetuese, procesi i anëtarësimit të Kosovës në KiE nuk do të hyjë as në rend të ditës