LAJMI I FUNDIT:

A mund të shikojnë fëmijët filma horror?

A mund të shikojnë fëmijët filma horror?

Shikimi i filmave horror është një mundësi për t’u frikësuar dhe për të ndjerë frikë dhe për ta kaluar atë emocion. Gjithashtu na lejon të praktikojmë ndjeshmërinë dhe të marrim qëndrime

Kur ndodhin gjëra të këqija në botë ose mjedis, disa njerëz kanë një mekanizëm mbrojtës dhe janë më të aftë t’i trajtojnë ato situata. Arsyeja për këtë është shpesh shikimi i filmave horror, sepse ka njerëz që, kur ndodhin situata të tmerrshme, ngushëllohen duke u ulur pranë ekraneve të vogla dhe duke parë diçka edhe më të frikshme”, thotë Coltan Skrivner, autori kryesor i studimit të kryer në Universitetin e Chicago-s.

Autorët e studimit theksojnë se njerëzit që shikojnë filma horror janë më të gatshëm të përballen me emocione negative, katastrofa, situata të këqija dhe tragjike të jetës. Në fakt, duke parë filma horror, audienca ushtrohet për situata stresuese dhe kështu i duron më mirë ato, transmeton Telegrafi.

A mund të shikojnë fëmijët filma horror?

Autorët deklarojnë se fëmijët, duke parë këta filma, ndërtojnë një mekanizëm të caktuar mbrojtës dhe përgatisin reagime ndaj ngjarjeve të caktuara në shoqëri.

Sidoqoftë, përgjigjja e kësaj pyetjeje nëse duhet t’i lejoni fëmijët t’i shikojnë këta filma varet nga familja.

istockphoto

Kur t’i lejojmë fëmijët të shikojnë filma horror?

Prindërit duhet së pari të kenë parasysh vlerat dhe postulatet mbi të cilat bazohet edukimi i tyre. A janë filmat horror diçka që lejoni dhe kënaqeni kur i shikoni? Nëse përgjigjja juaj është po, vlerësoni gatishmërinë e fëmijës.

Nuk ka një moshë të caktuar kur duhet filluar shikimin e filmave dhe autorët theksojnë se është më mirë që fëmijët t’i shikojnë sa më pak në moshë të re për të parandaluar zhvillimin e frikës dhe fobive.

Më pas, merrni parasysh karakteristikat dhe interesat e fëmijës suaj. Disa fëmijë që në moshë të vogël bëhen të vetëdijshëm se ajo që shohin në ekranet e vogla nuk është e vërtetë dhe nuk tregon ngjarje reale. Mbani në mend se ajo që një fëmijë i duket frikësuese mund të mos shqetësojë një tjetër. Për shembull, disa filma mund të jenë të mrekullueshëm dhe udhëzues për disa fëmijë, dhe të frikshëm dhe të dhunshëm për të tjerët.

Sigurisht, nuk mund të parashikoni se si do të reagojnë fëmijët tuaj ndaj një filmi të frikshëm, por mund të provoni disa histori ose filma më të butë për të testuar gatishmërinë e fëmijës suaj.

Më së miri do të ishte të mësoni për filmin që fëmija dëshiron të shikojë, në mënyrë që të njiheni me interesat e tij. Nëse zhanri që i intereson është horror, do të ishte mirë të fillonte me një film jo shumë negativ për një fëmijë. Sidoqoftë, nëse mendoni se një film horror do të jetë shumë i frikshëm, mund ta shikoni atë çdo ditë për të zvogëluar faktorin e frikës nga errësira, njerëzit e panjohur dhe përbindëshat (fëmijët zakonisht kanë frikë nga kjo).

Jini të hapur ndaj fëmijës dhe tregojeni nëse diçka në film ju frikëson. “Reagimi i prindërve është shumë i rëndësishëm”, tha një nga autorët e studimit. Nuk duhet të jeni shumë emocionues dhe të ndjeshëm, por mos mendoni se është keq nëse i tregoni emocionet tuaja përpara fëmijës.

Nëse jeni duke parë një film me një fëmijë ose ai thjesht po e shikon, kujtojini atij se ai ka gjithmonë mundësinë të shkojë në dhomë dhe të shikojë diçka tjetër atje ose të luajë me lodra.

Flisni me fëmijën tuaj pas filmit për ta ndihmuar atë ta kuptojë më mirë dhe të injorojë elementë të këqij dhe negativë që nuk janë realë. /Telegrafi/