Mourinho do një sulmues, Unitedi synon njërin mes Vardyt ose Chicharitos

Manchester Unitedi ka shënjestruar dy sulmuesit e njohur nga Liga Premier, Jamie Vardy dhe Javier Hernandez i njohur si Chicharito për ta transferuar njërin në afatin kalimtar të janarit.  

Djajtë e Kuq janë në kërkim të përforcimit të reja në skuadër dhe ky nuk është më një sekret.

Trajneri portugez, Jose Mourinho ka kërkuar nga drejtuesit e klubit emra të rinj për të vazhduar të jenë konkurrues në garat ku ata marrin pjesë.

Lexo po ashtu Malcom po bëhet gati për transferim në Ligën Premier, mëson në heshtje gjuhën angleze  

Gjatë muajit dhjetor, por edhe tani me hapjen e afatit kalimtar të janarit janë përmendur shumë emra si përforcime të mundshme të Unitedi.

Megjithatë, tani mediat angleze kanë përmendur dy emra të rinj në listën e Mourinhos, të cilët luajnë në fazën e sulmit.

Lexo po ashtu United rivalizon Cityn, ofron Mkhitaryanin dhe 28 milionë euro për Sanchezin

Sipas mediumit britanik The Telegraph, skuadra nga OldTrafford, përveç Alexis Sanchezit ka shënjestruar edhe Vardyn e Leicester Cityt dhe Chichariton e West Hamit.

Vardy raportohet se është një opsion i shtrenjtë për Djajtë e Kuq, pasi sipas këtij mediumi “Dhelprat” nuk lëkunden nga 35 milionë funtet e kërkuara për të.

Megjithatë, as rikthimi i ish-sulmuesit të tyre Chicharito nuk do të ishte i lirë, pasi në verë skuadra londineze, West Ham, ka paguar hiç më pak se 17 milionë funte dhe do donte t’i kompensonte ato. /Telegrafi/