Jose Mourinho mund të kalojë në Gjermani pasi raportohet se zhvilloi bisedime me Borussia Dortmund për marrjen e detyrës së trajnerit.

Klubi gjerman ka pasur një fillim jo të mirë të sezonit nën drejtimin e Lucien Favre, duke i nxitur ata të marrin në konsideratë një ndërrim të trajnerit.

Sipas mediumit gjerman Bild, Dortmund është në kontakt të rregullt me ​​Mourinhon, por do të preferonte të mos ndryshonte menaxherin në mes të sezonit.

Zidane: Më shqetësojnë spekulimet për rikthimin e Mourinhos Zidane: Më shqetësojnë spekulimet për rikthimin e Mourinhos

Që kur u shkarkua nga Manchester United në dhjetor, trajneri portugez është i lirë dhe ka punuar si një ekspert ndeshjesh, por kërkon një rikthim në menaxhim.

Si i tillë, ai ka mësuar gjermanishten dhe më parë ka pranuar se një punë në Bundesliga nuk është çështje.

Presidenti i Lyonit, Aulas: Mourinho na refuzoi, pasi tashmë ka zgjedhur klubin e ri Presidenti i Lyonit, Aulas: Mourinho na refuzoi, pasi tashmë ka zgjedhur klubin e ri

“Tani, unë jam duke studiuar gjermanisht. Jam duke studiuar gjermanisht sepse më mungon kjo gjuhë. Unë flas anglisht, spanjisht, portugalisht, frëngjisht, italisht…”

“Sigurisht, nuk përjashtoj asgjë, madje as Gjermaninë”, kishte deklaruar portugezi për Gazzetta dello Sport gjatë verës.

Portugezi është lidhur edhe me një numër të madh klubesh dhe kombëtaresh. /Telegrafi/