Mos e hidhni lëvoren e mollës, mund ta përdorni në shtëpi

Lëvoren e mollës nuk duhet ta hidhni, sepse mund të jetë e dobishme në shtëpinë tuaj.

Përkatësisht, është ideale për pastrimin e objekteve prej alumini. Vendosni lëvozhgat në një tenxhere, derdhni ujë dhe zhytni objektet që dëshironi t’i pastroni.

Enën vendosim në pllakë me nxehje të ngadaltë dhe e lëmë të nxehet për rreth gjysmë ore. Nxirrini dhe prisni që të thahen. Do të vini re se ato shkëlqejnë falë acidit nga lëvozhga e mollës.

Lëvorja e mollës mund të përdoret edhe si aromë shtëpiake. Thani disa copa lëvore. Pas kësaj vendosini në një qese lecke dhe shtoni kanellë. Kjo aromë është gjithashtu ideale për freskimin e dollapëve dhe sirtarëve.

Lexo po ashtu Mos e hidhni lëvoren e mollës, mund ta përdorni në disa mënyra

Detergjenti nga lëvorja e mollës mund të jetë veçanërisht i dobishëm për pastrim dhe gjithashtu lufton bakteret si Escherichia coli dhe Candida. Përziejini lëvozhgat me pak sheqer dhe ujë.

Kullojeni lëngun dhe mbushni një kavanoz të mbyllur hermetikisht deri në tre të katërtat. Vendosni peshqirë letre mbi të dhe fiksoni në kavanoz me një brez gome. Vendoseni në një vend mjaft të ngrohtë, por larg dritës për të paktën tri javë.

Mos harroni ta përzieni lëngun çdo ditë. Është gati për përdorim kur ndjeni një erë mjaft të fortë si të uthullës. Përveçse ky detergjent është ideal për pastrim dhe dezinfektim, mund ta përdorni edhe për heqjen e yndyrës. /Telegrafi/