14:"Ridvan Slivova
Sekretari i Lëvizjes Vetëvendosje (VV), Dardan Molliqaj, ka theksuar se me Aleancën për Ardhmërinë e Kosovës (AAK), janë ndarë për dy gjëra.
Ai, në emisionin “Rrokum Rroll” në Televizionin Rrokum, ka thënë se kur është folur për Qeverinë, “partia e Haradinajt ka qenë këmbëngulëse për hyrje në koalicion me Partinë Demokratike të Kosovës (PDK), ndërsa për VV-në zgjedhja më e mirë ka qenë Lidhja Demokratike e Kosovës (LDK)”.
“Dëmi më i madh i këtij vendi i është bërë prej PDK-së”, ka thënë Molliqaj. “PDK-ja ka qenë në pushtet më gjatë dhe ka pasur fuqi më të madhe”.
Ai ka theksuar se kjo ka qenë pika kryesore dalluese në mes VV-së dhe AAK-së. /Telegrafi/
