​Mjet shpërthyes në Vrellë të Istogut

Sot në fshatin Vrellë të Istogut është gjetur një mjet shpërthyes, e i cili mjet ende nuk është deminuar.

Zëdhënësi i Policisë së Kosovës për rajonin e Pejës, Fadil Gashi ka thënë për Telegrafin se rastin në polici e ka raportuar një qytetari cili deirsa ishte duke punuar ka hasur në mjetin shpërthyes.

“Sot rreth orës 12:20 minuta një qytetarë përmes telefonit e ka njoftuar stacionin policor në Istog se gjersa ka në qenë duke i kryer disa punime në fshatin Vrellë kanë hasur në një mjet shpërthyes. Policia menjëherë iu është përgjigjur vendit të ngjarjes, ka bërë sigurimin vendit të ngjarjes dhe pastaj është njoftuar njësiti i FSK-së për deminim dhe janë në pritje të njësitit adekuat për deminim të mjeteve shpërthyese”, tregoi Gashi.

Ai tha se vendi është duke u siguruar nga Policia e Stacionit Policor në Istog.

“Ende nuk është bërë deminimi, jemi në pritje, të shohim njësiti për deminim kur të arrij në vend të ngjarjes a vendos me tërheq mjetin apo për ta shpërthyer, ata vendosin, mirëpo ende nuk kanë arritur në vendin e ngjarjes. Vendi i ngjarjes është duke u siguruar Policia e Stacionit Policor në Istog”,tha Gashi. /Telegrafi/