Chelsea do të shesë tetë lojtarë këtë verë, dukë bërë një pastrim masiv në skuadër, kërkesë kjo e pronarit Todd Boehly.
Blutë duhet të balancojnë librat pasi kanë humbje prej 121.3 milionë funtesh (137 milionë euro) për sezonin 2021-2022 dhe 274 milionë funte (310 milionë euro) në dy sezonet e fundit.
Chelsea gjithashtu po vuan një sezon të dobët, ku aktualisht janë në vendin e 11-të në Ligën Premier, ndërsa edhe në Ligën e Kampionëve janë afër eliminimit pas humbjes 2-0 kundër Real Madridit në çerekfinale.
Pronari i ri Todd Boehly kërkon të ulur humbjet për të mos rrezikuar sanksionet e Fair Play Financiar.
Tetë lojtarë të Chelseat do të shiten në afatin kalimtar veror. Kjo përfshin yjet e mesfushës Mason Mount, Mateo Kovacic dhe N'Golo Kante që janë pa kontratë, të cilët do të largoheshin falas.
Edhe të diplomuarit nga akademia, Conor Gallagher dhe Ruben Loftus-Cheek, janë pjesë e listës.
Sulmuesit Christian Pulisic, Hakim Ziyech dhe Pierre-Emerick Aubameyang po ashtu mund të shiten, pasi vlejnë në treg.
Marrëveshja e Kante skadon në verë, ndërsa Mount, Kovacic, Pulisic, Loftus-Cheek dhe Aubameyang futen në 12 muajt e fundit të kontratave të tyre.
Gallagher dhe Ziyech, ndërkohë, janë të lidhur me klubin deri në vitin 2025.
Nuk është se mungojnë ofertat për lotjarët, pasi që bëhet fjalë për lojtarë të shkëlqyer. /Telegrafi/
