Për rritjen e çmimit të tatimit në pronë, Komisioni për Buxhet, Punë dhe Transfere ka ftuar në raportim ministrin e Financave, Hekuran Murati. Raportimi i ministrit Murati pritet të mbahet të premten në orën 13:30.
Kryetari i Komisionit, Armend Muja ka thënë se ftesa është miratuar pas kërkesës së deputetit të Lidhjes Demokratike të Kosovës, Avdullah Hotit.
“Dje e kemi marrë një kërkesë prej deputetit Hoti për raportim të ministrit Murati në mbledhjen e këtij Komisioni. Jemi dakorduar që të premten të mbahet edhe një mbledhjes e radhës në orën 13:30 ku do të diskutohet për një pikë të vetme të rendit të ditës që është çështja e tatimit në pronë”, ka thënë Muja.
Komisioni në fjalë ka shqyrtuar dhe miratuar raportin e shpenzimeve të Radiotelevizionit të Kosovës për periudhën tetor-dhjetor për vitin 2022 dhe kërkesën për ndarje buxhetore për periudhën janar-mars për vitin 2023 në vlerë prej 2 milionë e 240 mijë euro.
Kryetari i Bordit të RTK, Besnik Boletini ka bërë prezantimin e raportit të shpenzimeve për tre mujorin e katërt, të vitit 2022.
Boletini ka thënë se 87.6 për qind e të hyrave janë nga buxheti, nga Kuvendi i Kosovës, ndërsa nga të hyrat vetanake 10.3 për qind, kurse të hyrat tjera 2.05 për qind.
“Në këtë periudhë tre mujore kemi paraparë të hyra prej 2 milionë e 515 mijë euro, kurse janë realizuar të hyra prej 2 milionë e 556 mijë euro, pra janë realizua mbi 41 mijë e euro më shumë të hyra. Kjo për shkak të hyrave nga marketingu si dhe për shkak të transmetimit të Kampionatit Botëror në Futboll në RTK. Bilanci në fund I mbetur I pa shpenzuar ka qenë 60 mijë euro, të cilat në këtë fillim vit veç janë përdorë për me I paguar tatimet për disa shpenzime. Kjo është pasqyrë përmbledhëse, për tremujorin e katërt të vitit 2022”, ka theksuar Boletini.
Komisioni për Buxhet, po ashtu, ka shqyrtuar edhe Projektligjin për Byronë Shtetërore dhe Konfiskimin e Pasurisë së Pajustifikushme, por i njëjti nuk është hedhur në votim.
Muja fillimisht ka thënë se Projektligji ka pasur një vlerësim buxhetor prej 607 mijë euro.
“Departamenti i Buxhetit në Ministrinë e Financave në bazë të deklaratës të ndikimit buxhetor dhe financiar ka vlerësuar se zbatimi i Projektligjit krijon kosto shtesë buxhetore në periudhën 2022-2023 në shumën prej 607 mijë euro si dhe një numër prej 30 pozitave të reja. Në ndërkohë nga amendamentet e propozuara nga Komisioni funksional nuk përmbajnë implikime buxhetore”, është shprehur ai.
Ndërsa, deputeti Hoti ka theksuar se nevojitet vlerësim i ri buxhetor për Byronë Shtetërore.
“Nuk di a jemi të gatshëm t’i japim mbështetje këtij projektligji tash menjëherë. Ndoshta nevojitet që ta shtyjmë për mbledhjen tjetër dhe të marrim një vlerësim të ri buxhetor nga propozuesi, në këtë rast nga Ministria e Financave. Kjo të ndodhë së paku për rishikimin e tabelës fillestare të ndikimit buxhetor, sepse nuk është real”, është shprehur Hoti. /KP/
Promo
Reklamo këtuLufta Prigozhin - Putin
Më shumëViva Fresh Store renditet si grupi i pestë më i madh i shitjeve me pakicë në Ballkanin Perëndimor!
Bëhu banor i kryeveprës së Prizrenit - Grand Residence
Kurrë s’e ke pas ma lehtë se me Telegrafi Jobs me gjetë punë!
Qysh bohet kerri i vogël, kerr i ri!
Policia me apel për qytetarët: Kujdes nga mashtrimi përmes investimeve të dyshuara online
Hypi kerrit e nisu për n’Grand Blue Fafa këtë vikend
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Laporta shumë nervoz pas humbjes me Gironan – ai bërtiti vetëm me pesë fjalë, humbja mund t'i kushtojë miliona euro Barcelonës
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Erjolën e hedhin në mes të natës në pishinë, i ekspozohen pjesët intime
Vinicius ironizon me Araujon: Publikon trofetë e fituar nga gjenerata e re e Real Madridit
Tjetër fitore për Ukrainën: Rusia tërheq nga vijat e frontit dhjetëra aeroplanë luftarak
Këto janë vendet ku TikTok tashmë është i ndaluar – dhe nuk janë pak