Milani planifikon goditje të trefishtë yjesh në verë  

Milani thuhet se po planifikon një goditje të trefishtë këtë verë me Mario Mandzukic, Marouane Fellaini dhe Keita Balde Diao.

Rossonerët po kalojnë edhe një sezon të dështuar me ekipin që përsëri nuk po mund t’i kap vendet që i dërgojnë në Ligën e Kampionëve.

Dështimet në Evropë dhe Serie A kanë alarmuar drejtuesit e klubit, të cilët po mendojnë të përforcojnë edhe më shumë skuadrën, pasi verës së kaluar ku harxhuan më shumë se 200 milionë euro.

Lexo po ashtu Milani planifikon oferta për Benzeman, Dzekon dhe Belottin

Sipas mediumit italian Corriere dello Sport, Mandzukic është sulmuesi ideal për Milanin e Gennaro Gattusos dhe kohëve të fundit ka refuzuar një lëvizje në Kinë, ndërsa Juventusi po kërkon 20-25 milionë euro për kroatin.

Në mesfushë, gazeta Tuttosport beson se Rossonerët po mendojnë për Fellainin, kontrata e të cilit me Manchester Unitedin mbaron në qershor, edhe pse klubi do të përballet me konkurrencën të fortë për shkak të statusit të tij si lojtar i lirë.

Së fundi, mediumi tjetër italian Gazzetta dello Sport pret që klubi nga San Siro të ofrojë Andre Silvan në Monaco me qëllim të marrjes së Keitas në këmbim.

Ish-sulmuesi i Lazios ka bërë përshtypje të mirë në Francë, duke shënuar tetë gola dhe duke ndihmuar me 11 asistime, por Monaco mund të jetë i gatshëm të sakrifikojë 23-vjeçarin për Silvan, agjenti i të cilit, Jorge Mendes, ka lidhje të ngushta me skuadrën e principatës.

Përveç këtyre emrave, Milani po lidhet edhe me transferimin e Karim Benzemas, Edin Dzekos dhe Andrea Belottin, me njërin nga sulmuesit që mund të përfundoj në San Siro. /Telegrafi/