Milani nuk ia del, vetëm barazim me Udinesen në San Siro

Milani nuk ka arritur të rikthehet te fitoret, pasi ka barazuar në ndeshjen e dytë radhazi në Serie A.

Rossonerët u ndalën në San Siro nga Udinese në një barazim 1-1.

Pjesa e parë i takoi vendasve që krijuan më shumë nga loja dhe vetëm pas 29 minutave e gjetën golin e epërsisë.

Sandro Tonali asistoi bukur te Rafael Leao i cili u gjend bukur në zonë dhe nga afërsia shënoi për 1-0.

Milani përkundër se pati edhe disa raste, nuk arriti të shënonte më gola dhe 45 minutat e parë përfunduan me epërsinë minimale 1-0.

Rossonerët vazhduan të kenë më shumë nga loja, por pa arritur të konkretizojnë rastet.

Në minutën e 67-të mysafirët nga rastet e rralla që patën arritën të shënonin, kur Destiny Udogie u gjend bukur në zonë dhe nga afërsia realizoi për të barazuar shifrat në 1-1.

Pas barazimit të rezultatit Milani vazhdoi në ofensivë, duke pasur një rast të mirë me Rafael Leaon, por pa sukses.

Në minutën e 92-të, sulmuesi spanjoll Gerard Delofeu pati një rast fantastik, kur goditja e tij u ndal me shumë vështirësi nga Maignan.

Gola më nuk pati dhe ndeshja përfundoi me rezultat të barabartë 1-1.

Milani vazhdon të mbetet lider me 57 pikë, tri më shumë se Interi që ka dy ndeshje më pak, derisa Udinese është e 14-ta në tabelë me 26 pikë.

Ndeshjen e radhës Rossonerët do ta luajnë në udhëtim te Napoli, derisa Udinese pret Sampdorian. /Telegrafi/

💪 @RafaeLeao7 holds his man off, and finished beautifully! 🏄🏿‍♀️ pic.twitter.com/kcxmVEXizQ

— SempreMilan (@SempreMilanCom) February 25, 2022

Milan 1-1 Udinese

GOAL!

Udogie. pic.twitter.com/wxx8pSknMk

— Stats foot Dps (@StatsfootDps06) February 25, 2022