Milam Zeka do të hyjë për 24 orë në shtëpinë e Big Brother VIP Kosova

Opinionisti, Milaim Zeka, do të bëhet pjesë e shtëpisë së Big Brother VIP Kosova për 24 orë, duke u bashkuar me gjysmëfinalistët e këtij edicioni.

Kjo do të krijojë një atmosferë të re dhe ndoshta do të sjellë tensione dhe biseda interesante mes konkurentëve, pasi Zeka është një figurë e komentuar dhe shpesh provokative në opinionin publik.

Ai ka qenë gjithmonë i njohur për komentet e tij të drejtpërdrejta dhe të mprehta, dhe hyrja e tij në shtëpi mund të përshpejtojë dinamikën mes banorëve.

Sonte, gjithashtu, do të vendoset se cilët prej banorëve do të kalojnë në finalen e spektaklit, duke zgjedhur kështu finalistet e këtij edicioni që ka mbajtur publikun të angazhuar për javë me radhë.

Përgjatë këtyre ditëve, tensionet mes banorëve kanë qenë të larta, dhe tani, kur është afër përfundimi, secili po lufton për një vend në finalen e madhe.

Finalja e këtij edicioni të Big Brother VIP Kosova do të mbahet më 24 janar, dhe pritet të jetë një natë emocionuese, me shumë surpriza dhe momentet kulmore të këtij edicioni.

Çfarë do të ndodhë deri atëherë mbetet për t’u parë, por me hyrjen e Milaim Zekës në shtëpi, është e sigurt se spektakli do të bëhet edhe më i nxehtë. /Telegrafi/