Messi merr Këpucën e Artë: Jam në ekipin më të mirë në botë dhe kjo më lehtëson punën të fitoj këto çmime

Sot (e martë) ishte dita kur Lionel Messi do të pranonte edhe zyrtarisht Këpucën e Artë, si golashënuesi më i mirë në Evropës për sezonin 2017/18.

Argjentinasi shënoi 34 gola në sezonin e fundit në La Liga, ndërsa kjo ishte hera e pestë që ai e fiton këtë çmim prestigjioz.

E bukura është se 31-vjeçari me këtë rast bëhet lojtari i parë në histori që e fiton pesë herë Këpucën e Artë.

Ceremonia e ndarjes së çmimit u mbajt në qytetin e Barcelonës, ndërsa Leo nuk harroi të falënderojë edhe bashkëlojtarët për arritjet e tij.

“Nuk i kam pritur gjithë këtu kur fillova, ëndrra ime ishte të isha një profesionit dhe të triumfoja në futboll. Jam në ekipin më të mirë në botë dhe kam bashkëlojtarët më të mirë në botë dhe kjo i bën gjërat më të lehta që unë t’i fitojë këto çmime”, ka thënë Messi pasi pranoi çmimin.

Lexo po ashtu Barça tall Pellen me një postim në Twitter teksa Messi ushtron gjuajtjet e lira

Pas Leos lojtari me më së shumti Këpucë të Arta është Cristiano Ronaldo me katër, pastaj Eusebio, Gerd Muller, Dudu Georgescu, Fernando Gomes, Ally McCoist, Mario Jardel, Thierry Henry, Diego Forlan dhe Luis Suarez kanë nga dy çmime të tilla.

Barcelona është skuadra që lojtarët e saj kanë fituar më së shumti Këpucën e Artë, plotë shtatë herë, e ndjekur nga Reali me katër dhe pastaj Dinamo Bukureshti me tri, ashtu si Porto. /Telegrafi/

The #Messi moment you've all been waiting for. pic.twitter.com/yjiogbzSYf

— FC Barcelona (@FCBarcelona) December 18, 2018