“Messi apo Ronaldo” – Wenger jep përgjigjen më fantastike nga të gjithë për debatin e vjetër

Arsene Wenger është pyetur se cili është më i miri në mes të Lionel Messit dhe Cristiano Ronaldos, duke dhënë përgjigje perfekte.

Të hënën në mbrëmje, nuk ishte befasuese për askënd pasi argjentinasi mori çmimin më të mirë të FIFA-s, duke u shpallur lojtari më i mirë i meshkujve në botë për vitin 2022.

Ai ia doli ta drejtonte Argjentinën drejt triumfit në Kupën e Botës, duke fituar kështu trofeun e vetëm që mungonte në muzeun e tij.

Lexo po ashtu Messi barazon rekordin e Ronaldos, pas çmimit "The Best" nga FIFA

Por, në ceremoninë e mbajtur në Paris, Wenger u pyet se cili ishte lojtari më i mirë në histori të futbollit, Messi apo Ronaldo.

“Kur ata të mos jenë më aty, ne do të kuptojmë se çfarë na kanë dhënë”, deklaroi ish-trajneri i Arsenalit.

Lexo po ashtu Nuk ishte as i nominuar, si e turpëroi FIFA - Ronaldo në ceremoninë e "The Best"

“Unë gjithmonë refuzoj të bëj krahasime në këtë çështje, sepse ata janë dy lojtarë të ndryshëm”.

“Lojtarë krejtësisht të ndryshëm, por dy lojtarë të jashtëzakonshëm që i kanë treguar botës për 15 vjet se sa i madh mund të jetë futbolli”, ka shtuar më tej ai. /Telegrafi/

'When they will not be there anymore, we will realise what they have given us!' | Arsene Wenger 😥

🎥 My Shorts channel https://t.co/BfWtJiuXAw pic.twitter.com/z8kTS1JYMo

— BeanymanSports (@BeanymanSports) February 28, 2023