Meryl Streep ka tërhequr vëmendjen me një pamje mahnitëse gjatë xhirimeve të filmit të shumëpritur “Devil Wears Prada 2” në New York.
Aktorja 76-vjeçare u shfaq me një fustan të kuq elegant, me supe të zbuluara dhe dekolte të theksuar, duke u rikthyer në rolin e ikonës së modës Miranda Priestly.
Krahas saj, në skenën gala u shfaq edhe Stanley Tucci, i veshur me një kostum klasik, duke interpretuar sërish rolin e stilistit Nigel, shkruan DailyMail.
Pranë dyshes u pa edhe aktorja britanike Simone Ashley, tashmë pjesë e kastit të vazhdimit, e veshur me një fustan të zi me elemente dramatike, ndërsa detajet e rolit të saj mbahen ende të fshehta.
Xhirimet përfshinë disa skena në Muzeun e Historisë Natyrore, ku Meryl, Stanley dhe Simone u panë duke qeshur dhe biseduar mes një atmosfere miqësore.
Në një tjetër pamje, Meryl u shfaq me një veshje të përditshme në stilin karakteristik të Mirandës, ndërsa Stanley mbante një kostum të errët me prerje elegante.
Filmi, i cili pritet të publikohet në maj të vitit 2026, do të rikthejë pjesën më të madhe të kastit origjinal, përfshirë Anne Hathaway dhe Emily Blunt.
Regjisori David Frankel, i cili qëndron pas suksesit të filmit të parë të vitit 2006, do të drejtojë edhe këtë vazhdim.
Sipas IMDB, historia do të ndjekë përplasjen midis Mirandës dhe ish-asistentes së saj Emily Charlton, tani një ekzekutive rivale, teksa përballen për dominimin në botën e mediave në një kohë kur shtypi tradicional është në rënie.
Ndërsa publiku pret me padurim, filmi premton një rikthim të modës, dramës dhe sarkazmës që e bënë origjinalin një klasik bashkëkohor. /Telegrafi/
