LAJMI I FUNDIT:

Mëlçi pule me salcë pikante

Mëlçi pule me salcë pikante
Created by Readiris, Copyright IRIS 2012

Përbërësit:

▪ 600 gr. mëlçi pule
▪ 40 gr. gjalpë
▪ 200 gr. qepë
▪ 1 lugë mëlmesa të përziera
▪ 1 lugë miell i bardhë
▪ 100 ml. verë e bardhë
▪ 2 lugë kos, apo jogurt
▪ 1/2 lugë e vogël trumzë
▪ 1 lugë mustardë
▪ piper i zi i bluar
▪ kripë

Përgatitja:

Në tiganin me gjalpin e shkrirë, skuqim qepën e grirë, deri sa të marrë ngjyrë të verdhë, të artë, duke i shtuar më pas mëlçitë e prera në rriska, të cilat i skuqim aq kohë, derisa të ndryshojnë ngjyrë.

Pastaj mëlçitë i ngjyejmë në miell, duke shtuar trumzën, mëlmesat dhe mustardën.

E gjitha, laget me verë dhe me vetëm aq ujë, sa për ta përfituar salcën me dendësinë e dëshiruar, duke i lënë pastaj të ziejmë edhe 3 minuta.

Menjëherë pas përfundimit të këtij procesi, shtojmë kosin, kripën dhe piperin.

Mëlçitë në salcë, i shërbejmë të shoqëruara, sipas dëshirës (patate të ziera, pure patateje apo oriz).

Këshillë:
Mëlçitë i skuqni pak dhe i kriposni, ndërsa piperin e shtoni në fund.