Meghan Markle nuk do të marrë pjesë në varrimin e Princit Philip, pasi ‘nuk dëshiron të jetë në qendër të vëmendjes’

Meghan Markle qëndroi përsëri në Montecito të Kalifornisë, ndërsa Princi Harry fluturoi për në Londër sepse ajo ‘nuk dëshiron të jetë në qendër të vëmendjes’ në varrimin e Princit Philip, pretendojnë miqtë e saj.

Pavarësisht se Dukesha e cila është shtatzënë nuk pranoi të kthehej në Londër me Harryn për t’u bashkuar me familjen e tij në zi për Dukën e ndjerë të Edinburgut, miqtë thonë se ajo dhe Princi Philip ‘kishin një lidhje të veçantë dhe ajo e adhuronte atë’.

Përveç që nuk dëshironte të ishte në qendër të vëmendjes, një zëdhënës i Pallatit të Buckingham-it më parë konfirmoi se Meghan ‘është këshilluar nga mjeku i saj të mos udhëtojë’ sepse ajo është rreth gjashtë muajshe shtatzënë, shkruan DailyMail.

“Meghan tha se shqetësimi i saj kryesor tani është mbështetja e Harry-t. Ajo tha se ia la asaj vetes nëse do të merrte pjesë apo jo në varrim”, thotë një person i brendshëm me lidhje të ngushta me Meghan Markle për DailyMail.com.

“Meghan tha se është gjatë këtyre kohërave kur familja duhet të bashkohet, të lërë mënjanë mosmarrëveshjet e tyre dhe të bashkohen si një. Ajo tha se kjo është ajo që Princi Philip do të dëshironte dhe se ajo është e gatshme të falë dhe të shkojë përpara”, thanë ata.

Ndërsa është e mundur që Meghan të fluturojë për në Mbretërinë e Bashkuar për t’u bashkuar me Harryn para funeralit të së shtunës, burimi i brendshëm shtoi se nëna e saj Doria është ‘e patundur’ që ajo të mos udhëtojë ndërsa është shtatzënë.

“Doria këmbënguli që Meghan të qëndrojë pas dhe të mbështesë Harryn nga larg. Ashtu si Harry, Doria është shumë mbrojtëse ndaj Meghanit dhe nuk dëshiron ta shohë atë duke rrezikuar shëndetin e saj. Stresi është gjëja e fundit që Meghanit i duhet tani”.

Çifti Susssexes po presin fëmijën e tyre të dytë – një vajzë – këtë verë.

“Meghan tha që pjesëmarrja ose mos marrja pjesë në varrimin e Princit Philip nuk do të ndryshojë marrëdhënien e saj me Mbretëreshën. Ajo tha që Mbretëresha e kupton mungesën e saj dhe do të donte që ajo të qëndronte e sigurt dhe e shëndetshme për foshnjën”, tha burimi.

“Meghan tha se kjo është koha e përshtatshme që Herry të rregullojë marrëdhëniet e tij me vëllain dhe babanë e tij. Ajo nuk ka nevojë të jetë aty për këtë”.

Princi Harry fluturoi në Aeroportin Heathrow të Londrës pa gruan e tij këtë fundjavë në vizitën e tij të parë në Britani që nga largimi nga detyrat mbretërore.

Kthimi i Harryt në Mbretërinë e Bashkuar para funeralit të së shtunës është i pari i tij që nga marsi i vitit 2020 kur ai u zhvendos në Kanada dhe do të jetë mundësia e parë për t’u ribashkuar me Princin William dhe babanë e tij Princin Charles, i cili thuhet se po ‘pret’ për një ribashkim me djalin e tij.

Aktualisht, Harry është në karantinë në Nottingham Cottage të dizajnuar nga Christopher Wren, ku Harry i propozoi Meghanit në vitin 2017. Është vetëm pak metra larg banesës ku jeton vëllai i tij William me familjen e tij.

Harry mund të largohet nga karantina pas pesë ditësh nëse siguron një test negativ të coronavirusit nën skemën e Qeverisë për Lirimin pas paraqitjes së testeve negative. Sidoqoftë, ai do të lejohet të marrë pjesë në varrimin e Philipit pavarësisht, pasi udhëzimet zyrtare thonë se ata që vijnë nga jashtë mund të lënë izolimin ‘për arsye të dhembshurisë’.

Familja Mbretërore ka urdhëruar një armëpushim mbi përmbajtjen e intervistës bombë me Oprah Winfrey për t’u përqëndruar në nderimin dhe vajtimin e Philipit. /Telegrafi/