Mediat greke: Shuplakë nga Malta sepse e pranoi Maqedoninë nën emrin kushtetues (Foto)

Mediat greke akoma shkruajnë për vendosjen e marrëdhënive diplomatike midis Maltës dhe vendit tonë, duke theksuar me këtë rast se Malta, disa ditë pasi e ndërmorri kryesimin e me BE-në e pranoi Republikën e Maqedonisë nën emrin kushtetues, përcjell Telegrafi Maqedoni.

Në Greqi në këtë temë kryesisht transmetohet lajmi i AIM për vendosjen e marrëdhënieve diplomatike midis dy vendeve dhe kumtesa e MPJ-së së Maqedonisë se ky akt ‘është me rëndësi të jashtëzakonshme pasi që Republika e Maltës dhe Republika e Maqedonisë deri më tani nuk kanë vendosur marrëdhënie diplomatike, madje edhe pas 26 vite të pavarësisë.

Për mediat greke, ‘me këtë ftonti dipomatik grek mori edhe një goditje’. ‘Liberal.gr’ thekson se vendimi i Maltës për ta njohur vendin tonë nën emrin kushtetues është kumtuar gjatë takimit joformal të ministrave dhe sekretarëve shtetërorë për çështje evropiane që u mbajt në fillim të kësaj jave në Valeta, në të cilin ka marrë pjesë edhe zëvendësministri grek për Punë të Jashtme, G. Katrugalos prej të cilit ‘nuk ka pasur kurrfarë përgjigje, madje as simbolike’.

Malta e njohu Shkupin si ‘Maqedonia’ ndërsa Greqia feston për…afrimin e qëndrimeve’, komentuan disa portale informative për kumtesën e MPJ-së greke. /Telegrafi/