LAJMI I FUNDIT:

Mbulimi i shpenzimeve të rrymës në veri, emërimi i anëtarëve të bordit ri të ARKEP-it dhe përfundimi i afatit për deklarimin e pasurisë së zyrtarëve – top ngjarjet e javës në ekonomi

Mbulimi i shpenzimeve të rrymës në veri, emërimi i anëtarëve të bordit ri të ARKEP-it dhe përfundimi i afatit për deklarimin e pasurisë së zyrtarëve – top ngjarjet e javës në ekonomi

Mbulimi i shpenzimeve të rrymës nga Operatori i Sistemit, Transmisionit dhe Tregut të energjisë elektrike të Kosovës (KOSTT) për komunat në veri të Kosovës, emërimi i bordit të ri të Autoritetin Rregullativ për Komunikimet Elektronike dhe Postare (ARKEP) dhe përfundimi i afatit për deklarimin e pasurisë së zyrtarëve të lartë publik në Agjencinë Kundër Korrupsion (AKK), ishin ngjarjet kryesore që e karakterizuan këtë javë në ekonomi.

Komisioni për Ekonomi, Industri, Ndërmarrësi dhe Tregti me 6 vota për dhe 3 kundër kishte miratuar propozimin që KOSTT të marrë përgjegjësin për pagesën e rrymës edhe për 6 muajt e ardhshëm për serbët në katër komunat veriore.

Propozimi i deputetes Mimoza Kusari-Lila e obligon Qeverinë që të zgjidhë këtë çështje për shtrimin e autoritetit në fushën e energjisë brenda 6 muajve në veri të vendit.

KOSTT do të mbulojë shpenzimet e rrymës për serbët në veri për gjashtë muaj, jo qeveria
Lexo po ashtu KOSTT do të mbulojë shpenzimet e rrymës për serbët në veri për gjashtë muaj, jo qeveria

Pas këtij vendimi, i menjëhershëm kishte qenë reagimi i opozitës, shkruan Telegrafi.

Partia Demokratike e Kosovës ka akuzuar Qeverinë Kurti se në kundërshtim me zotimet e saj ka miratuar këtë vendim, duke shtuar se e njëjta Qeveri kishte anuluar shtesat prej 30 eurove për pensionistët.

“Këto para të ndara nga buxheti i Kosovës fatkeqësisht po e mirëmbajnë krimin në veri të vendit dhe strukturat paralele atje. Si dhe financimin e aktiviteteve të paligjshme dhe kriminale për prodhimin e kriptovalutave ku kohëve të fundit ka një rritje të madhe. Pra, kemi një qeveri dhe parti si Lëvizja Vetëvendosje që i nënshtrohen pa kushte ndaj Serbisë e strukturave kriminale atje edhe pse për 20 vjet e kanë gojën plot kundër Serbisë. Ky pushtet para 1 jave ndali shtesat prej 30 euro për pensionistët. Ndërsa sot mori vendim për t’i ndarë 11 milionë euro për pagesën e rrymës në veri të vendit”, kishtë thënë në një konferencë për media, anëtari i kryesisë së PDK-së, njëherësh kryetar i Komisionit për Ekonomi, Ferat Shala.

PDK: Pushteti i VV-së ndau 11 milionë euro për rrymën e serbëve në veri, kurse hoqi 30 eurot e pensionistëve
Lexo po ashtu PDK: Pushteti i VV-së ndau 11 milionë euro për rrymën e serbëve në veri, kurse hoqi 30 eurot e pensionistëve

Për Lidhjen Demokratike e Kosovës, Qeveria Kurti se po ndërmerr veprime të cilat i kishte kundërshtuar si opozitë.

“Qeveria Kurti po ndërmerr të gjitha veprimet që i kishte kundërshtuar në të kaluarën. Lëvizja Vetëvendosje, sa ishte parti opozitare, për disa vite rresht e me plot ngulm kishte kundërshtuar një veprim të tillë. Madje, në kohën tonë të përbashkët opozitare, kishim bashkëorganizuar interpelancë ndaj qeverisë së PAN-it, e cila kishte nisur këtë praktikë”, thuhet në reagimin e Departamentit të Ekonomisë dhe Biznesit në LDK, përcjell Telegrafi.

LDK reagon ndaj propozimit për pagesën e rrymës për serbët: Qeveria Kurti po ndërmerr veprime që i kundërshtonte si opozitë
Lexo po ashtu LDK reagon ndaj propozimit për pagesën e rrymës për serbët: Qeveria Kurti po ndërmerr veprime që i kundërshtonte si opozitë

Ndërsa në reagimin e Aleancës për Ardhmërinë e Kosovës thuhet se 11 milionë euro është shuma të cilën duhet ta paguajnë shumica e qytetarëve të Kosovës, për një pakicë e cila vet dhe në bashkëpunim me Serbinë, sfidon institucionet tona.

“Përpos dëmit financiar në buxhetin e vendit, i cili ndërtohet me djersen dhe kontributin e shumicës prej nesh, nga ky veprim, kemi një zinxhir të dëmeve të tjera. Kuvendi pajtohet që Republika e Kosovës, nuk ka potencial të jetë vend jo diskriminues e shtet i së drejtës dhe është shtet që inkurajon shkelësit e ligjit, ta keqpërdorin rrymën, duke e shfrytëzuar jo racionalisht dhe madje duke e shfrytëzuar me qëllime të dëmtimit të kapacitetit energjetik të vendit”, thuhej në reagimin e AAK-së, përcjell Telegrafi.

AAK: Me 11 milionë euro për rrymën, Qeveria po shantazhohet nga serbët e veriut
Lexo po ashtu AAK: Me 11 milionë euro për rrymën, Qeveria po shantazhohet nga serbët e veriut

Gjatë kësaj jave, Qeveria Kurti ka marrë vendim për anulimin e propozimit të Qeverisë Hoti për emërimin e anëtarëve të ARKEP-it.

Në mbledhjen e Qeverisë, kryeministri Albin Kurti kishte thënë se në këto propozime nuk është respektuar kuota gjinore.

Kurti anulon vendimin e Hotit për propozimin e anëtarëve në ARKEP, emëron anëtarët e rinj
Lexo po ashtu Kurti anulon vendimin e Hotit për propozimin e anëtarëve në ARKEP, emëron anëtarët e rinj

Po ashtu, Agjencia Kundër Korrupsionit ka njoftuar se nga gjithsej 4,892 e numrit të zyrtarëve të lartë publik, deklarimin vjetor të pasurisë e kanë bërë gjithsej 4,783 prej tyre.

Në pajtim me Ligjin për Deklarimin, Prejardhjen dhe Kontrollin e Pasurisë të Zyrtarëve të Lartë Publik dhe Deklarimin, Prejardhjen dhe Kontrollin e Dhuratave, procesi i deklarimit të pasurisë të zyrtarëve të lartë publik ka përfunduar me 31 mars 2021.

“Nga numri i përgjithshëm prej 4,892 të zyrtarëve të lartë publik që kanë pasur për obligim ta deklarojnë pasurinë, 4,783 zyrtarë të lartë publikë kanë bërë deklarimin e pasurisë brenda afatit të rregullt ligjor, 56 zyrtarë të lartë publikë kanë deklaruar pasurinë pas afatit të rregullt ligjor, 28 nga zyrtarët nuk e kanë deklaruar pasurinë me arsye, ose kanë deklaruar pas afatit, me arsyet e cekura ndërsa 25 prej tyre nuk e kanë deklaruar pasurinë deri më tani”, thuhej në njoftimin e AKK-së, përcjell Telegrafi.

Nga lajmet botërore që karakterizuan ekonominë gjatë javës ishte ratifikimi i marrëveshjes tregtare ndërmjet Bashkimit Evropian dhe Britanisë së Madhe nga ana e Parlamentit Evropian. /Telegrafi/

Në trend Ekonomi

Më shumë
Rënia e madhe e standardeve të jetës - sa fitohet me të vërtetë në Gjermani?

Rënia e madhe e standardeve të jetës - sa fitohet me të vërtetë në Gjermani?

Botë
Me ble t're se u prish? -  Jo, ua rregullon Hausmeister

Me ble t're se u prish? - Jo, ua rregullon Hausmeister

Hausmeister
Bylmeti & benefitet e konsumimit të tij

Bylmeti & benefitet e konsumimit të tij

Meridian
Studioni për një diplomë prestigjioze të nivelit botëror Baçelor ose Master në Kolegji CITY, Kampusi i Universitetit të York-ut në Evropë në Selanik të Greqisë

Studioni për një diplomë prestigjioze të nivelit botëror Baçelor ose Master në Kolegji CITY, Kampusi i Universitetit të York-ut në Evropë në Selanik të Greqisë

CITY College
49 VITE – 49 Shpërblime

49 VITE – 49 Shpërblime

Gorenje Department Store
Ofertat e Auto Mita t’bojnë me kerr t’ri –  filluar nga 179 euro në muaj

Ofertat e Auto Mita t’bojnë me kerr t’ri – filluar nga 179 euro në muaj

Auto Mita
Kalo në kategori