LAJMI I FUNDIT:

LDK reagon ndaj propozimit për pagesën e rrymës për serbët: Qeveria Kurti po ndërmerr veprime që i kundërshtonte si opozitë

LDK reagon ndaj propozimit për pagesën e rrymës për serbët: Qeveria Kurti po ndërmerr veprime që i kundërshtonte si opozitë

Lidhja Demokratike e Kosovës ka reaguar ndaj propozimit Komisionit për Ekonomi, Industri, Ndërmarrësi dhe Tregti për pagesën e energjisë elektrike në veri të vendit, duke akuzuar Qeverinë Kurti se po ndërmerr veprime të cilat i kishte kundërshtuar si opozitë.

Në reagimin e LDK-së thuhet se “Propozimi i sotëm i deputetëve të Vetëvendosjes në Komisionin për Ekonomi, Industri, Ndërmarrësi dhe Tregti që KOSTT të mbulojë shpenzimet e energjisë elektrike për konsumatorët në veri të vendit tregon qartë që Qeveria Kurti po ndërmerr të gjitha veprimet që i kishte kundërshtuar në të kaluarën”.

“Lëvizja Vetëvendosje, sa ishte parti opozitare, për disa vite rresht e me plot ngulm kishte kundërshtuar një veprim të tillë. Madje, në kohën tonë të përbashkët opozitare, kishim bashkëorganizuar interpelancë ndaj qeverisë së PAN-it; e cila kishte nisur këtë praktikë”, thuhet në reagimin e Departamentit të Ekonomisë dhe Biznesit në LDK, përcjell Telegrafi.

LDK thotë se “tani që është në pushtet, veprimet kundërshtuese – të opozitës së dikurshme tani me pushtet absolut – duket se janë tjetërsuar në tërësi. Sërish, edhe një herë e për të satën herë në këtë fillim, premtimet e kauzat opozitare të tyre dalin të jenë mashtrim”.

“Pagesa prej 11 milionë eurove do të bëhet nga KOSTT. KOSTT është aset i qytetarëve të Kosovës; prandaj e njëjta bëhet nga xhepat e qytetarëve të Kosovës. Për më tepër, brenda këtyre gjashtë muajve Qeveria Kurti do të obligohet që përmes rishikimit buxhetor të ia kthej këto mjete KOSTT-it. Pra, pavarësisht nëse sot paguan KOSTT e pas gjashtë muajsh paguan Qeveria, paratë dalin nga pasuria e qytetarëve të Kosovës”.

Kusari-Lila: Më mirë mjete prej KOSTT-it për rrymën në veri, sesa të na kthehen policët në arkivol
Lexo po ashtu Kusari-Lila: Më mirë mjete prej KOSTT-it për rrymën në veri, sesa të na kthehen policët në arkivol

Sipas LDK-së, ky vazhdim pagese tregon poashtu se Qeveria nuk ka plan të qartë për dalje nga kjo situatë”. “Deklarata e shumicës se Qeveria dorëzohet para ligjshmërisë në Veri e frika e kthimit të ‘policëve në arkivol’ është sa skandaloze aq edhe dorëzuese; mbi të gjitha është deklaratë ofenduese për të gjitha forcat në detyrë”.

Lidhja Demokratike e Kosovës thotë se do të vëzhgojë nga afër zotimet e deputetëve të Vetëvendosjes se brenda gjashtë muajsh Qeveria Kurti do të shtrijë autoritetin dhe kontrollin në katër komunat veriore duke siguruar që qytetarët atje do të paguajnë faturat e tyre të energjisë.

“LDK poashtu përkujton të gjithë qytetarët e Kosovës se pavarësia energjetike e Kosovës është mbyllur tashmë dhe se qeveria e re duhet me profesionalizëm të mirëmbaj këtë pavarësi”, thuhet në reagimin e LDK., transmeton Telegrafi.

Komisioni për Ekonomi, Industri, Ndërmarrësi dhe Tregti ka debatuar sot lidhur me pagimin e rrymës për serbët në katër komunat veriore.

Propozimi i deputetes nga Lëvizja Vetëvendosje Mimoza Kusari-Lila, i cili mori mbështetjen e Komisionit, ishte që KOSTT-i të marrë përgjegjësinë për pagesën e rrymës edhe për gjashtë muajt e ardhshëm dhe të mos obligohet Qeveria për këtë.

Ndaj, vendimit të Komisionit Parlamentar për Ekonomi, kanë reaguar edhe dy partitë e tjera opozitare PDK dhe AAK.

Në një konferencë për media, anëtari i kryesisë së PDK-së, njëherësh Kryetar i Komisionit Parlamentar për Ekonomi, Ferat Shala ka thënë se “me këtë vendim të pushtetit të ri, po dëmtohet direkt buxheti i shtetit dhe i cili shkon në kurriz të qytetarëve të Kosovës”.

Në reagimin e AAK-së thuhet se 11 milionë euro është shuma të cilën duhet ta paguajnë shumica e qytetarëve të Republikës së Kosovës, për një pakicë e cila vet dhe në bashkëpunim me Serbinë, sfidon institucionet tona. /Telegrafi/

Në trend Lajme

Më shumë
PDK voton kryesinë e re - pësojnë ndryshime në pozita disa prej figurave të njohura të kësaj partie

PDK voton kryesinë e re - pësojnë ndryshime në pozita disa prej figurave të njohura të kësaj partie

Lajme
Pamje nga të shtënat ku nisi konflikti në Prishtinë, ku humbën jetën dy persona

Pamje nga të shtënat ku nisi konflikti në Prishtinë, ku humbën jetën dy persona

Kronika e Zezë
Një derë e re për drejtësi: Si do të mund t'i drejtohen kosovarët Gjykatës së Strasburgut?

Një derë e re për drejtësi: Si do të mund t'i drejtohen kosovarët Gjykatës së Strasburgut?

Drejtësi
Gjendet në një humnerë personi i raportuar si i zhdukur në Prevallë

Gjendet në një humnerë personi i raportuar si i zhdukur në Prevallë

Kronika e Zezë
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
Juristat e UP-së të tretët në botë në garën ndërkombëtare për drejtësi

Juristat e UP-së të tretët në botë në garën ndërkombëtare për drejtësi

Arsim
Kalo në kategori