Mbretëria e Bashkuar vendos dhjetë sanksione të mëdha ndaj Rusisë – Johnson thotë se të njëjtat do t’i aplikojë edhe SHBA-ja

Mbretëria e Bashkuara i ka vendosur disa sanksione të mëdha ndaj shtetit rus pas agresionit në Ukrainë.

Kryeministri britanik, Boris Johnson ka shpalosur sanksionet që i janë shqiptuar Vladimir Putinit dhe aleatëve të saj.

Sanksione të ngjashme financiare do të aplikohen edhe për Bjellorusinë rreth rolit në sulmin ndaj Ukrainës, raporton bbc.

Më poshtë janë dhjetë sanksionet e vendosura të Mbretërisë së Bashkuar:

Lexo po ashtu Gjithçka që ndodhi në katër ditët e para të agresionit rus në Ukrainë

1. Të gjitha bankat kryesore ruse do të kenë aktivet e tyre të ngrira dhe do të përjashtohen nga sistemi financiar i Mbretërisë së Bashkuar. Kjo do t’i ndalojë ata të kenë qasje në pagesat me sterlina dhe kleringut përmes Britanisë së Madhe. Kjo përfshin një ngrirje të plotë dhe të menjëhershme të bankës VTB;

2. Legjislacioni do të ndalojë kompanitë e mëdha ruse dhe shtetin të mbledhin financa ose të huazojnë para në tregjet e Mbretërisë së Bashkuar;

3. Ngrirja e aseteve do të vendoset për 100 individë ose subjekte të reja;

4. Linja ajrore Aeroflot do të ndalohet të aterojë në Britaninë e Madhe;

5. Do të ketë një pezullim të licencave të eksportit me përdorim të dyfishtë për të mbuluar gjërat që mund të përdoren për qëllime ushtarake;

6. Brenda disa ditësh, Mbretëria e Bashkuar do të ndalojë eksportet e teknologjisë së lartë dhe pajisjet e rafinerisë së naftës;

7. Do të ketë një kufi për depozitat që rusët mund të bëjnë në llogaritë bankare të Mbretërisë së Bashkuar;

8. Mbretëria e Bashkuar ka për qëllim që të “punojë me aleatët” për të mbyllur pagesat e Swift, por “është një sfidë”;

9. Sanksione të ngjashme financiare do të shtrihen në Bjellorusi për rolin e saj në sulmin ndaj Ukrainës;

10. Mbretëria e Bashkuar do të sjellë pjesë të projektligjit për krimin ekonomik përpara pushimeve të Pashkëve.

Ndryshe, edhe SHBA-ja do të aplikojë sanksione të ngjashme ndaj Rusisë. /Telegrafi/

BREAKING: Boris Johnson announces "largest set of economic sanctions Russia has seen," including banning Russian banks from U.K. finance system, blocking Russian firms from raising finance in London and sanctions against over 100 individuals and entities https://t.co/ToCVAIl1eP pic.twitter.com/rkHaXNUytx

— Bloomberg UK (@BloombergUK) February 24, 2022