Mbi 200 akuza për abuzim seksual të fëmijëve në Kishën Katolike të Portugalisë

Më shumë se 200 akuza për abuzim seksual të fëmijëve janë bërë kundër Kishës Katolike Portugeze, ka thënë një komitet special.

Akuzat janë bërë nga njerëz të lindur midis 1933 dhe 2006, shtoi autoriteti i pavarur.

Zyrtarët e kishës portugeze thanë dy vjet më parë se autoritetet kishin hetuar vetëm një duzinë akuzash për abuzim seksual që përfshinin priftërinj portugez që nga viti 2001, raporton euronews.

Më shumë se gjysma e këtyre rasteve u pushuan sepse hetuesit e kishës vendosën se nuk kishte prova të mjaftueshme për t’i ndjekur ato.

Por Komiteti i Pavarur për Studimin e Abuzimit të Fëmijëve në Kishë u krijua në janar për të shqyrtuar akuzat historike. Komiteti laik prej gjashtë personash tha se kishte marrë raporte nga 214 persona gjatë muajit të parë të punës.

Disa nga akuzat anonime erdhën nga shtetas portugez që tani jetojnë në Kanada, Francë, Luksemburg, Zvicër, Mbretërinë e Bashkuar dhe Shtetet e Bashkuara.

Autoriteti do t’i raportojë gjetjet e tij Konferencës së Peshkopëve Portugez në fund të vitit përpara hetimeve të mundshme. /Telegrafi/