Me mbi 100 milionë dollarë vlerë, ekspozita e këtij tregtari të veturave në Dubai do t’ju lë pa fjalë!

Asnjë qytet nuk ka shitës makinash ekzotike si Dubai.

Dhe për të pasur një ide se çfarë mund të jetë një sallon i veturave atje, thjesht duhet të shihni makinat e parkuara pranë hyrjes kryesore të njërit prej tyre, përcjell Telegrafi.

Ato përfshijnë një McLaren P1 GTR, një McLaren Speedtail dhe një Porsche 911 GT1 Strassenversion me vetëm një pronar të mëparshëm dhe të listuar për 15 milionë euro (15.8 milionë dollarë), duke e bërë atë makinën më të shtrenjtë që F1rst Motors ka aktualisht në magazinë.

Aty janë paraqitur një numër supermakinash dhe hipermakinash të tjera të egra, gjithashtu.

Këto përfshijnë të vetmen Lamborghini Sian FKP39 të lyer në të verdhë dhe një Bugatti Divo me një çmim mbresëlënës prej 9.4 milionë dollarë.

Megjithatë, aty nuk ka vetëm “të egra”, me prodhim të kufizuar që tregtari ka aktualisht në magazinë – vlera e përgjithshme e të cilave thuhet se arrin deri në 100 milionë dollarë.

Brenda ekspozitës së tij gjenden një mori supermakinash pak më ‘të përballueshme’, duke përfshirë një Mercedes-AMG GT Black Series, modele të shumta Lamborghini Urus dhe Mercedes-Benz G-Class, Porsche 911 GT3, McLaren 720Ss, Lamborghini Aventadors, Lamborghini Huracans dhe një Ford GT. /Telegrafi/