Maxi Lopez e falënderoi Icardin që e mori me vete Wandan, vjen reagimi i ish-bashkëshortes

Në botën e futbollit thuajse gjithmonë përbëjnë lajm deklaratat e Maxi Lopez, Mauro Icardi dhe Wanda Nara, kur është fjala për lidhjen e pazakontë ndërmjet tyre.

Wanda ka qenë e martuar me Lopez, në kohën kur Icardi ishte bashkëlojtar me të dhe më pas ia kishte marrë bashkëshorten shokut të tij të skuadrës, me të cilën më vonë u martua dhe e ka edhe përfaqësuese.

Lexo po ashtu Maxi Lopez thotë se e ka falur Icardin për tradhtinë skandaloze me ish-gruan e tij, Wanda Nara

Në ndërkohë, në një deklaratë më të fundit për Club 947, Maxi ka thënë se ia ka falur Mauros, për më shumë e ka palënduar atë që e ka marrë Wandan me veten.

https://www.instagram.com/p/B3fCjzBI-F1/

“Kam zgjedhur të jem i lumtur dhe kam bërë një zgjedhje për mënyrën e jetesës… Lidhja ime dështoi, por nga ajo u bëra baba… Ia kam falur Icardit dhe nuk kam probleme me të. Qëllimi im në jetë, krahas futbollit, në aspektin njerëzor, është që ta gjej dhe t’ua siguroj lumturinë fëmijëve të mi”.

“Përveç faljes, e falënderoj (Icardin) sepse e mori me vete Wandan”, citon Corriere dello Sport fjalët e 35-vjeçarit.

Dhe derisa duhet të jetë e kujdesshme në reagimet publike kundrejt ish-bashkëshortit të saj, bukuroshja argjentinase nuk ka mundur të mos bëjë një publikim në rrjetet sociale që besohet se është dedikim për Maxin.

“Respekti është si paratë: Mund ta kërkosh, por është më mirë që ta fitosh”, ka shkruar 32-vjeçarja në një mbishkrim në InstaStory. /Telegrafi/