Rreth 7 mijë maturantë i janë nënshtruar Testit të Maturës në afatin e dytë që është mbajtur sot (e shtunë). Ministria e Arsimit e vlerësoi procesin si të rregullt, ndërsa u shpreh se në 69 qendra nuk janë shfaqur probleme. Megjithatë, sikurse në afatin e qershorit, ashtu edhe në atë të gushtit, numri i maturantëve që i nënshtrohen testit është i ulët, me nxënësit që shmangin provimin i cili teston njohuritë e fituara në arsimin parauniversitar.
Zyrtari i lartë për vlerësim në Ministrinë e Arsimit, Afrim Rrahmani, thotë se në bazë të raporteve nuk ka pasur ndonjë problem dhe se Testi i Maturës ka përfunduar sipas rregullave të parapara.
“Në afatin e gushtit Testin e Maturës e kanë paraqitur rreth 7 mijë nxënës, që gjithsej kanë qenë 69 qendra në të gjithë Kosovën. Mbarëvajtja e procesit ka qenë në rregull, në bazë të raporteve që i kemi nga tereni, nuk kemi pasur ndonjë ngatërresë, as ndonjë ankesë nga ana e nxënësve, as nga ana e mësimdhënësve dhe administruesve”.
“Testi ka qenë i paraparë të zgjasë 150 minuta, pra dy orë e gjysmë. Në të gjithë vendin, testi ka filluar me kohë dhe ka mbaruar sipas kohës së paraparë”, shprehet Rrahmani në një intervistë për KosovaPress.
Ai pranon se edhe këtë vit ka pasur rrjedhje të pyetjeve të testit në rrjetet sociale, por sipas tij, një analizë më e detajuar do të bëhet të hënën.
Po në fillim të javës së ardhshme do të kuptohet qartë nëse ka pasur nxënës e monitorues që e kanë shkelur rregullat, e ndaj të cilëve paralajmërohen ndëshkime.
“Në bazë të raportit që kemi, ka pasur rrjedhje të pyetjeve të testit, por ato kanë qenë mbas orës 10:00, nxënësit prapë kanë gjetur hapësirë për të kopjuar. Por, është numër i vogël i atyre që kanë arritur të nxjerrin testin ne rrjete sociale, nuk i kemi raportet e plota se sa nxënës e kanë keqpërdorur këtë, por do ta kemi të hënën pasi t’i mbledhim të gjitha raportet nga tereni dhe do të shohim se cili është numri i atyre që janë larguar dhe a ka nga mësimdhënësit që nuk e kanë kryer punën si duhet dhe janë larguar për shkak të pakujdesisë në punë”, deklaron Rrahmani.
Ai tutje shton se numri i atyre që i janë nënshtruar Testit të Maturës nuk përkon me numrin në total të maturantëve. Sipas tij, nxënësit po heqin dorë nga studimet për të vijuar me punë. Këtë fakt ai e sheh pozitiv dhe vetëdijesim nga nxënësit.
“Edhe në afatin e qershorit, numri i nxënësve që kanë paraqitur Testin e Maturës ka qenë më i madh në krahasim me numrin e atyre që i janë nënshtruar këtij testi, edhe në afatin e gushtit numri ka qenë më i vogël, pra ka pasur më pak të interesuar për Testin e Maturës në krahasim me nxënësit potencialë që është dashur t’i nënshtrohen Testit të Maturës. Tani shkollat profesionale ka gjasë që Testin e Maturës nuk e shohin të rrugës t’i nënshtrohen për shkak se kanë vazhduar në treg të punës, kanë vazhduar karrierën e tyre në tregun e punës dhe nuk e shohin të rrugës të vazhdojnë studimet për shkak se gjenden në punë të ndryshme”.
“Unë e shoh vetëdijesim të nxënësve për të mos e ngarkuar veten, mos me u mundu, për shkak se ka shumë nxënës e mbarojnë maturën dhe vazhdojnë vetëm në punë dhe nuk i vazhdojnë studimet. Ndoshta edhe tregu i punës është më absorbues, ka potencial më shumë për t’u punësuar të rinjtë dhe heqin dorë nga Testi i Maturës”, thotë zyrtari i ministrisë.
Pragu i kalueshmërisë në Testin e Maturës është 40 për qind e totalit të pikëve të mundshme. Vetëm kandidatët që e arrijnë këtë prag kalueshmërie mund të aplikojnë për regjistrim në studime në institucionet e arsimit të lartë në Kosovë.
Testi ka pasur gjithsej 100 pyetje apo detyra nga 25 kërkesa për secilën nga katër lëndët e përfshira. Në test janë përfshirë tri lëndë obligative, gjuhë amtare, gjuhë angleze dhe matematikë dhe një lëndë zgjedhore që është përzgjedhur nga vet kandidati nga mesi i lëndëve zgjedhore që i janë ofruar.
Promo
Reklamo këtuLufta Prigozhin - Putin
Më shumëNga Rubrika
“Veriu nuk e mbulon korrupsionin në institucione”, analistët komentojnë raportin e DASH-it për Kosovën
Ambasadori i Finlandës: Anëtarësimi i Kosovës në NATO do të bëhet realitet
Dashtevski: Jemi të përgatitur për zgjedhjet, rezultatet e para do të shpallen para mesnate
Ambasadori i Finlandës: Anëtarësimi i Kosovës në NATO do të bëhet realitet
“Veriu nuk e mbulon korrupsionin në institucione”, analistët komentojnë raportin e DASH-it për Kosovën
Alarmi i Alicia Kearns për Ballkanin, politologët komentojnë deklaratën e deputetes britanike
Tension në Kuvend mes PDK-së e LVV-së, Shala ia ndalon fjalën Kusari-Lilës – nënkryetarja thërret sigurimin
“Paratë, ose do të vras djalin”, polici kërcënon qytetarin se nuk i dha ryshfet
Parlamenti britanik miratoi mocionin e Alicia Kearns për Kosovën
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit