Mastiti më shpesh nënkupton fundin e ushqyerjes me gji: Gjashtë mënyra për të parandaluar fryrjen e gjirit

Përherë bebes jepjani gjirin “problematik”

Fryrja e gjirit me qumësht mund të çojë në mastit i cili shpesh shënon fundin e të ushqyerit të foshnjës me gji, për këtë shkak duhet ta pengoni me kohë.

Mastiti shpesh është i shoqëruar me temperaturë të lartë, dhembje në gjinj, me ndjenjë dobësie. Shfaqet në javët e para pas lindjes, ndonëse mund të ndodhë kurdoherë gjatë laktacionit.

Për ndryshim nga fryrja e gjirit dhe ndërprerja e qumështit, mastiti shfaqet në njërin gji dhe zakonisht përfshihet vetëm një pjesë e gjirit, transmeton Telegrafi.

Përse shfaqet mastiti?

Fryrja e gjinjve dhe çarjet në lëkurë janë dy faktorë kryesorë të shfaqjes së mastitit. Deri te fryrja e gjinjve më së shpeshti ndodh nëse bebja nuk thith mjaftueshëm apo nuk ka pozitë të mirë për të thithur qumësht. Mund të ndodhë që bebja të thithë më pak se më parë ose të thithë vetëm nga njëri gji.

Pauzat e gjata në ushqimin e bebes me gji gjithashtu i kontribuojnë fryrjes së gjirit: nëna e lodhur e cila nuk mund të fle gjumë mjaftueshëm e përpunon vetëm nëse bebja fle 5 ose 6 orë pa u zgjuar, por shpesh ndodh që më pas gjinjtë bëhen të fortë dhe të tendosur.

Sytjenat e ngushta gjithashtu mund t’i kontribuojnë fryrjes së gjinjve. Ndërprerja e përnjëhershme gjithashtu mund të jetë shkaktar i mastitit.

Rreziku nga rishfaqja e mastitit është shumë më i madh te gratë të cilat tashmë janë përballur me këtë problem derisa kanë ushqyer me gji fëmijën e mëparshëm, andaj është i nevojshëm një kujdes më i madh!

Ju mund të parandaloni mastitin në disa mënyra:

1. Ushqeni fëmijën me gji për dy orë ose më shumë: jepini fillimisht gjoksin “problematik” sepse fëmija thith më fort kur është i uritur.

2. Ushqeni foshnjën me gji në pozicione të ndryshme, për të nxitur zbrazjen e të gjitha pjesëve të gjirit.

3. Zbrazni butësisht një sasi të vogël qumështi përpara se të ushqeni, gjë që do të zbusë areolën dhe do ta bëjë më të lehtë vendosjen e fëmijës në gji.

4. Hiqni sytjenat e ngushta.

5. Vendosni kompresa të ngrohta në gji përpara dhënies së gjirit ose mjeljes, dhe kompresa të ftohta pas dhënies së gjirit.

6. Flini kur foshnja fle, kërkoni ndihmë nga familjarët për detyra të tjera.

Masazh i gjirit dhe mastiti

Masazhi i gjirit duhet të jetë i butë, në mënyrë që indi të lirohet pak me majat e gishtave dhe gjoksi të mos traumatizohet. Dushi me ujë të ngrohtë ose kompresa të ngrohta mund të ndihmojë në zbrazjen e gjoksit. Mos vendosni kompresa të ngrohta mbi thithkë, sidomos jo të lagura! Ndërsa jeni duke pushuar, kompresat e ftohta do t’ju kënaqin.

Plagët e thithkave rrisin rrezikun e mastitit infektiv. Lani duart me sapun dhe ujë dhe ndërroni rregullisht jastëkët e gjoksit. /Telegrafi/