E shtuna është ditë e rregullt mësimi për nxënësit e klasave nga e parë deri në të tetën, ashtu siç do të jenë edhe shtatë të tjera në vazhdimësi, për të zëvendësuar orët e humbura nga greva pesë javëshe në arsim.
Kjo pas vendimit të Ministrisë së Arsimit (MASHTI), edhe pse Sindikata e Arsimit, Shkencës dhe Teknologjisë (SBASHK) dhe Këshilli i Prindërve po e kundërshtojnë një vendim të tillë.
Mirëpo, shumica e nxënësve, sidomos në Prishtinë nuk kanë shkuar në shkolla, duke respektuar kështu rekomandimet e Këshillit të Prindërve.
Valdrin Dervishaj nga kabineti i ministres Arbërie Nagavci në një prononcim për Telegrafin ka thënë se nga rezultatet e para që kanë marr nga inspektorët në terren mësimdhënësit janë nëpër vendet e tyre të punës, ndërsa sa i përket nxënësve ai tha se numri lë për të dëshiruar.
E kjo sipas tij ka ndodhur nga keqinformimet që po bëhen nëpër rrjete sociale.
“Prej mëngjesit i kemi autorizuar inspektorët që të dalin nëpër të gjitha shkollat. Rezultatet e para janë që mësimdhënësit i janë përgjigjur pozitivisht vendimit dhe kjo është një fakt i mirë. Ndërsa sa i përket nxënësve po ashtu ka prezencë goxha të mjaftueshme, mirëpo lë për të dëshiruar. Presim që ky numër të rritet, e kjo ka ndodh si rezultat i keqinformimit prej disa faqeve, siç është dhe Këshilli i Prindërve në Facebook”, ka thënë Dervishja.
Dervishaj u shpreh se për secilin fëmijë i cili mungon në mësim do të mbahen evidenca në ditar.
“Për secilin fëmijë që mungon duhet të evidentohet në ditar. Prezenca në shkollë është për ardhmen e fëmijëve”, tha tutje Dervishaj.
E sa i përket pagave të mësimdhënësve ai theksoi: “Mësimdhënësi i cili paraqitet në punë dhe i cili është gati për ta kryer detyrën e tij nuk ka asnjë arsye që t’i ndalet paga”.
I pyetur se a zhvillohet mësimi nëse në një klasë është vetëm një nxënës ai tha: “Për këtë nuk kam informacion që në një klasë është vetëm një nxënës. Por mësimdhënësi e vlerëson nëse ka kushte për punë”.
Ndërsa, kryetari i Këshillit të Prindërve, Jeton Demi tha për Telegrafin se në Prishtinë në shumicën absolute nuk është zhvilluar procesi mësimor.
“Sa kemi informacion në Prishtinë në shumicë absolute nuk është zhvilluar proces mësimor ngase kanë munguar shumica e fëmijëve me të drejtë”, ka thënë Demi.
Ndërkaq, MASHTI ka bërë thirrje për kompensimin e orëve të humbura gjatë të shtunave, ndërkaq kundër kanë dalë edhe Sindikata e Arsimit, Shkencës dhe Teknologjisë (SBASHK).
Ndryshe, greva në tërë sektorin e arsimit ka filluar më 25 gusht dhe është pezulluar më 1 tetor. Kërkesa kryesore e tyre ishte shtesa nga 100 euro deri në hyrjen në fuqi të Ligjit për Paga. Greva u pezullua deri në janar të vitit të ardhshëm dhe kjo u bë pa marrëveshje me Qeverinë. /Telegrafi/
Promo
Reklamo këtuLufta Prigozhin - Putin
Më shumëPasuria e majme e kreut të Prishtinës – banesa, rezidencë, veturë Tesla e koleksion pikturash milionëshe
Sa kanë pasuri Osmani dhe Kurti? Dyshja deklaron pasurinë e tyre në Agjencinë për Parandalimin e Korrupsionit
Pasuria e Memli Krasniqit, ai posedon numër të madh të kriptovalutave
Tri shtëpi në Kosovë, një në Shqipëri dhe një vilë - kjo është pasuria e Ramush Haradinajt
Banesë, depo, parking e kursime në bankë – kjo është pasuria e kryeparlamentarit Konjufca
Serwer tregon se pse Serbia i frikësohet anëtarësimit të Kosovës në Këshillin e Evropës
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
‘Hakmarrja’ e Izraelit ndaj Iranit - gjithçka që ndodhi në ditën kritike
Serwer tregon se pse Serbia i frikësohet anëtarësimit të Kosovës në Këshillin e Evropës
Barcelona po nënshkruan mega-kontratë, ajo do t'i sjellë klubit mbi një miliard euro
Treni në Japoni u nis me 17 minuta vonesë: Kur pasagjerët dëgjuan arsyen, askush nuk u zemërua
Pas ‘hakmarrjes’ së Izraelit ndaj Iranit, reagon shefi i NATO-s
Von Cramon: Nëse Kosova e Serbia përfitojnë më shumë nga moszbatimi i marrëveshjeve, vështirë të bëhet diçka në Bruksel