Marin Mema, gazetar i televizionit Top Channel dhe Tahir Veliu, kryetar i Lëvizjes për Shqipëri të Bashkuar janë dy shqiptarë të cilët janë shpallur të padëshiruar (“non grata”) nga autoritetet greke, si element që përbëjnë rrezik kombëtar për shtetin grek.
Bëhet e ditur se emri i gazetarit Marin Mema dhe i kryetarit të LSHB-së Tahir Veliu ndodhet në listën e personave që përbejnë rrezik kombëtar për shtetin grek. Por, e vëreteta mendohet që është krejt ndryshe, ngase asnjëri prej tyre nuk ka kryer ndonjë vepër penale dhe shpallja e tyre “non grata” nga Greqia besohet të jetë plotësisht me motive etnike dhe politike. Kjo masë e shqiptuar ndaj tyre, mendohet të jetë dënim i përjetshëm për ta, pasiqë në dokumentet e ndalesës, nuk figuron afati i vlefshmërisë së kësaj ndalese.
Shkaqet për ndalesën ndaj gazetarit, Marin Mema mësohet të jenë dy reportazhet që ai ka realizuar në shtetin “grek”.
I pari kishte të bënte me trajtimin e problematikës në krahinën e Çamërisë dhe tjetri paraqiste fshatin e lindjes të patriotit shqiptar Papa Kristo Negovani. Edhe gjatë realizimit të këtyre reportazheve autoritetet greke kanë ndaluar grupin e xhirimit të Top-Channel.
Gazetarit të televizionit Top Channel, Marin Mema kjo ndalesë i është shqiptuar në pikën kufitare në Qafë Botë, më 19 gusht të vitit 2012. Marin Mema është autor i emisionit “Shqipëria tjetër” dhe njihet si një ndër gazetarët më profesionist shqiptarë, që gjurmon historinë e Shqipërisë tjetër, që me qëllim apo paqëllim shpesh është lënë në harresë.
Ndërsa, shkaqet për ndalesën ndaj kryetarit të LSHB-së, Tahir Veliu besohet të jetë vizitat e tij të mëhershme në krahinen e Çamërisë, si dhe takimi i paralajmëruar në Janinë nga lëvizja që ai e udhëheq.
Autorit të librit “Platforma për Shqipëri të Bashkuar, Tahir Veliu kjo ndalesë i është shqiptuar në pikën kufitare në Kakavijë, më 13 gusht të vitit 2016, ku për tri orë është mbajtur nën arrest dhe është marrë në pyetje nga autoritetet greke.
Në librin e tij “Platforma për Shqipëri të Bashkuar”, çështja e pazgjidhur çame është trajtuar në përputhje me konventat dhe aktet juridike ndërkombëtare. Tahir Veliu është zgjedhur kryetar i Lëvizjes për Shqipëri të Bashkuar, më 16 korrik të këtij viti. LSHB është lëvizje mbarëkombëtare politike dhe demokratike, e cila angazhohet për bashkimin fizik të trojeve shqiptare në një shtet të vetëm kombëtar shqiptar – Shqipëri të Bashkuar.
Pra, arsyeja e vërtetë pse Mema dhe Veliu është se njeri është munduar të tregojë origjinën e trevave shqiptare të aneksuara nga shteti fqinjë, ndërsa tjetri publikisht nuk pajtohet me kufijtë e imponuar që ndajnë shqiptarët dhe trojet e tyre./Shqipëria e Bashkuar.AL/
Promo
Reklamo këtuLufta Prigozhin - Putin
Më shumëDASH për Telegrafin: Të gjitha raportimet janë të rreme - Escobar nuk është shkarkuar, emërohet në një pozitë tjetër sipas rrotacionit
“Para se të hidhej e pa Erdgysin me 18-vjeçaren": Zbardhet dëshmia e motrës së Almës
Policia dhe KFOR-i amerikan sulmohen në Leposaviq – iu bllokua rruga dhe u hodhën shishe xhami ndaj tyre
Atentati ndaj vëllait të Aleksandar Jabllanoviqit, flet zëvendësdrejtori i PK-së në Mitrovicën e Veriut
Pse do të reduktohet numri i dëshmitarëve në Gjykatën Speciale, sipas avokatit Musa
DW: Sinjale alarmi nga Ballkani - po përsëritet historia?
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Erjolën e hedhin në mes të natës në pishinë, i ekspozohen pjesët intime
Këngëtari i famshëm britanik bën publike lidhjen me bukuroshen shqiptare, Xhoana Xheneti
Gjeti trupin e 9-vjeçares në Bunë, peshkatari: Pashë me dritë telefoni, dukej si kukull
Vrima e akullit në Antarktidë sa madhësia e Zvicrës vazhdon e rritet - shkencëtarët e zbulojnë pse
Ish-futbollisti që e la karrierën profesioniste për t'u bërë luftëtar në UFC tani po shpartallon kundërshtarët
VAR sinjalizoi për kartonin e kuq "më të keq në histori" në ligën e Francës, ndërsa tifozët thonë 'ne menduam se Liga Premier ishte keq'