LAJMI I FUNDIT:

Maqedoni: Lajmet e rreme “po ndikojnë” në mosrespektimin e masave kundër COVID-19

Maqedoni: Lajmet e rreme “po ndikojnë” në mosrespektimin e masave kundër COVID-19

Punonjësit shëndetësorë në Maqedoni të Veriut thonë se ende një numër i madh i qytetarëve nuk besojnë se ekziston koronavirusi. Faktor kryesor për këtë gjë, sipas tyre janë lajmet e rreme. Sipas mjekëve, neglizhenca e këtyre personave ka çuar edhe në rritjen e numrit të rasteve me COVID-19, sëmundjen që e shkakton ky virus.

Përkundrejt shtrëngimit të masave për frenimin e përhapjes së mëtejmë të koronavirusit, mjekët familjarë kërkojnë që qeveria maqedonase të fokusohet në sensibilizimin e opinionit për rrezikun nga mosrespektimi i këtyre masave.

Me qëllim që të menaxhimit të situatës me pandeminë e koronavirusit, Maqedonia e Veriut ka shpallur gjendje krize, ku kapacitetet e spitaleve pritave janë vënë nën menaxhimin e shtetit, që të sistemohen pacientët që kanë nevojë për përkujdesje shëndetësore.

Mjeku familjar, Liridon Disha, thotë për Radion Evropa e Lirë se ka ende shumë pacientë që nuk besojnë se ekziston COVID-19 dhe se këta pacientë, sipas tij, kërkojnë që të shërohen nga kjo sëmundje, duke u trajtuar si për gripet sezonale.

“Përhapja e lajmeve të rreme besoj se është faktori kryesor sa i përket mosbesimit të qytetarëve për ekzistencën e COVID-19 dhe rrezikut që bartë sepse personalisht mendoj se institucionet e vendit nuk kanë ndërmarrë veprime të mjaftueshme për të ndaluar lajmet e rreme, edhe pse është bërë e vështirë pasi ato me shumë lehtësi shpërndahen në rrjetet sociale. Mendoj se duhet gjetur mënyra që profesionistët në çdo kohë të kenë hapësirë në media, që të plasojnë të vërtetën për çdo gjë që lidhet rreth COVID-19”, thotë mjeku Disha.

Aleksandar Kërzhallovski nga Qendra për Bashkëpunim Ndërkombëtar thotë për Radion Evropa e Lirë se qytetarët nuk iu besojnë autoriteteve të vendit sa i përket koronavirusit, pasi sipas tij, autoritetet së fundmi kanë ndryshuar shpesh qëndrimet.

“Realiteti, gjendja faktike në momente të caktuara, madje në të shumtën e rasteve së fundmi demanton një pjesë të qëndrimeve të ministrit të Shëndetësisë (Venko Filipçe) dhe të njëjtat nuk janë konsistente. Kjo bën që qytetarët të humbin besimin te ministri i Shëndetësisë, Filipçe, gjë që kishim një situatë krejt ndryshe në fillim të pandemisë edhe pse shumë gjëra ishin të panjohura dhe zgjidheshin ad hok , qytetarët i besonin atij dhe dikasterit që drejton. Pra qëndrimet e zyrtarëve duhet të jenë konsistente dhe shumë të sakta sepse një e pavërtetë ose gjysmë e vërtet lë vragë te besimi qytetarëve”, thotë Kërzhallovski.

Gjatë çdo ditë në Maqedoninë e veriut shqiptohen rreth 1 mijë gjoba për mosrespektimin e rekomandimeve të autoriteteve sa i përket mbrojtjes nga koronavirusi.

Megjithatë, autoritetet në Maqedoninë e Veriut janë shprehur se presin që nga java e ardhshme të shihen rezultatet si rrjedhojë e masave shtrënguese, siç është mbajtja e detyrueshme e maskave në ambient të hapur dhe mbyllur, shkurtimi i orarit të punës së sektorit të gastronomisë etj./REL/

Në trend Lajme

Më shumë
PDK voton kryesinë e re të partisë - pësojnë ndryshime në pozita disa prej figurave të njohura të kësaj partie

PDK voton kryesinë e re të partisë - pësojnë ndryshime në pozita disa prej figurave të njohura të kësaj partie

Lajme
Katër votat kundër Kosovës në Këshillin e Evropës dhe një abstenim, gjithçka që duhet të dini

Katër votat kundër Kosovës në Këshillin e Evropës dhe një abstenim, gjithçka që duhet të dini

Muhamet Hajrullahu
Pakënaqësi me Ligjin e pagave, Jasharaj paralajmëron protestë më 1 maj - nuk e përjashton mundësinë e grevës

Pakënaqësi me Ligjin e pagave, Jasharaj paralajmëron protestë më 1 maj - nuk e përjashton mundësinë e grevës

Elfije Boletini
Bedri Hamza i emëruari i PDK-së për kryeministër – kush mund të jenë kandidatët tjerë të partive politike?

Bedri Hamza i emëruari i PDK-së për kryeministër – kush mund të jenë kandidatët tjerë të partive politike?

Jehona Hulaj
Pamje nga të shtënat ku nisi konflikti në Prishtinë, ku humbën jetën dy persona

Pamje nga të shtënat ku nisi konflikti në Prishtinë, ku humbën jetën dy persona

Kronika e Zezë
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
Kalo në kategori